ரஜினியின் அண்ணாத்த திரைப்படத்தின் ஷூட்டிங் எப்போது?!

தமிழ் சினிமாவின் சூப்பர் ஸ்டாரான ரஜினிகாந்த் நடிப்பில் சிறுத்தை சிவா இயக்கத்தில் உருவாகி வரும் திரைப்படம் “அண்ணாத்த”. சன் பிக்சர்ஸ் தயாரிப்பு நிறுவனம் இந்த படத்தை தயாரிக்கிறது.

இந்த படத்தில் நடிகர் ரஜினிக்கு முறைப் பெண்ணாக குஷ்பு மற்றும் மீனா நடிக்கிறார்கள். மேலும் கீர்த்தி சுரேஷ் இந்த படத்தில் ரஜினிக்கு தங்கை வேடத்தில் நடிக்கிறார். மேலும் இவருக்கு ஜோடியாக இந்த படத்தில் லேடி சூப்பர் ஸ்டார் நயன்தாரா நடிக்கிறார்.

பெரிய நட்சத்திர பட்டாளத்துடன் நடக்கும் இந்த திரைப்படத்தின் ஷூட்டிங் ஏற்கனவே ஹைதராபாத்தில் இரண்டு கட்டமாக நடத்தி முடிக்கப்பட்டது. அதில் ரஜினி நடிப்பில் 50 சதவீத படப்பிடிப்புகள் ஏற்கனவே முடிக்கப்பட்டுள்ளது.

பிறகு கொரோனா லாக்டவுன் காரணமாக இந்தப்படத்தின் படப்பிடிப்பு நிறுத்தி வைக்கப்பட்டிருந்தது. தற்போது அரசு சில விதிமுறைகளுடன் படப்பிடிப்பை தொடங்கலாம் என்று அறிவித்துள்ளதால் பல படப்பிடிப்புகள் தொடங்கி விட்டது, இந்நிலையில் அண்ணாத்த படத்தின் படப்பிடிப்பு தொடங்கி விட்டதா என்ற கேள்வி நிலவி வந்தது.

இதற்கு பதிலாக வந்த செய்தியில், அண்ணாத்த படத்தின் படப்பிடிப்பை தொடங்குவதற்கான அனைத்து வேலைகளும் தீவிரமாக நடைபெற்று வருவதாகவும், அடுத்த கட்ட ஷூட்டிங் நடைபெறுவதற்கு கிழக்கு கடற்கரை சாலையில் அதற்கான பிரம்மாண்ட செட் அமைக்கப்பட்டுள்ளதாகவும், அனைத்து நடிகர் நடிகைகளுக்கும் படப்பிடிப்பு தொடர்பான செய்திகள் கூறி அவர்கள் அதற்கு ஒப்புக் கொண்டுள்ளதாகவும், வருகிற நவம்பர் மாதம் இந்த படத்தின் படப்பிடிப்பு தொடங்கும் என்றும் கூறியுள்ளார்கள்.

இந்த படப்பிடிப்பிற்கு ரஜினி சம்மதித்தாரா என்ற கேள்விக்கு, ரஜினி சம்மதித்த பின் தான் இந்த படப்பிடிப்பு வேலைகளை தொடங்கப்பட்டது என்றும், முதல்கட்ட படப்பிடிப்பில் நயன்தாரா மற்றும் கீர்த்தி சுரேஷ் சம்மந்தப்பட்ட காட்சிகளை படம்பிடித்து விட்டு பிறகு மீதமுள்ள ரஜினி வரும் காட்சிகள் படப்பிடிக்கப்படும் என்றும் கூறியுள்ளனர். ரஜினி ஜனவரி மாதம் முதல் தான் படப்பிடிப்புக்கு வருவதற்கு சம்மதம் தெரிவித்துள்ளாராம். கீர்த்தி சுரேஷ் மற்றும் நயன்தாரா இடம் பெறுகிற காட்சிகளின் படப்பிடிப்பு முடிந்த பின்பு குஷ்பு மற்றும் மீனாவின் காட்சிகளுக்கான படப்பிடிப்பு நடக்குமாம். தற்போதைக்கு 75 நபர்கள் மட்டுமே இருப்பதற்கு அனுமதி வழங்கப்பட்டிருந்தாலும் இந்தப் படத்தின் படப்பிடிப்பு தொடங்குவதற்குள் நிலைமை சீராகிவிடும் என்று எதிர்பார்த்து காத்திருக்கிறார்களாம் அண்ணாத்த திரைப்பட குழு.

ரஜினி திரைப்படத்தின் படப்பிடிப்பு ஆரம்பமாகிவிட்டதால் இனி அடுத்தடுத்து பெரிய நட்சத்திரங்களின் திரைப்படத்தின் படப்பிடிப்புகளும் ஆரம்பமாகிவிடும் என்று எதிர்பார்க்கப்படுகிறது.