தமிழ் சினிமாவின் சூப்பர் ஸ்டாரான ரஜினிகாந்த் தற்போது தான் அரசியலுக்கு வருவது உறுதி என்றும், வருகிற ஜனவரி மாதம் அதிகாரபூர்வமாக கட்சி குறித்த அறிவிப்பை வெளியிடுவேன் என்றும் கூறி தற்போது பரபரப்பை ஏற்படுத்தியுள்ளார்.
இந்நிலையில் இவரது அடுத்த படமான “அண்ணாத்த” எப்போது வெளிவரும் என்ற கேள்வியை முன் வைத்துள்ளார்கள். இதற்கு பதிலளிக்கும் விதமாக விரைவில் இந்த படத்தின் படப்பிடிப்பு தொடங்கும் என்று அவர் கூறியுள்ளார்.
தமிழ் சினிமாவின் சூப்பர் ஸ்டாரான ரஜினிகாந்த் நடிப்பில் சிறுத்தை சிவா இயக்கத்தில் உருவாகி வரும் திரைப்படம் “அண்ணாத்த”. சன் பிக்சர்ஸ் தயாரிப்பு நிறுவனம் இந்த படத்தை தயாரிக்கிறது.
இந்த படத்தில் நடிகர் ரஜினிக்கு முறைப் பெண்ணாக குஷ்பு மற்றும் மீனா நடிக்கிறார்கள். மேலும் கீர்த்தி சுரேஷ் இந்த படத்தில் ரஜினிக்கு தங்கை வேடத்தில் நடிக்கிறார். மேலும் இவருக்கு ஜோடியாக இந்த படத்தில் லேடி சூப்பர் ஸ்டார் நயன்தாரா நடிக்கிறார்.
பெரிய நட்சத்திர பட்டாளத்துடன் நடக்கும் இந்த திரைப்படத்தின் ஷூட்டிங் ஏற்கனவே ஹைதராபாத்தில் இரண்டு கட்டமாக நடத்தி முடிக்கப்பட்டது. அதில் ரஜினி நடிப்பில் 60 சதவீத படப்பிடிப்புகள் ஏற்கனவே முடிக்கப்பட்டுள்ளது.
தற்போது ரஜினி இந்த படத்தின் படப்பிடிப்பில் கலந்து கொள்ள உள்ளார் என்றும், இதற்காக தனி விமானம் மூலம் ரஜினி ஹைதராபாத் ராமோஜி பிலிம் சிட்டிக்கு வருவார் என்றும், முழுக்க முழுக்க இன்டோர் ஷூட் நடக்கும், அதுமட்டுமின்றி ஒரு பாதுகாப்பு வளையம் ஏற்படுத்தி படக்குழு முழுவதும் படப்பிடிப்பு முடிவது வரை எங்கும் வெளியில் செல்லவும் முடியாது வெளியில் சென்றால் உள்ளே திரும்பி வர முடியாது என்ற கட்டுப்பாடோடு மிக பாதுகாப்பாக இந்த படப்பிடிப்பு நடக்கும் என்றும் தற்போது தயாரிப்பு நிறுவனம் செய்தி வெளியிட்டுள்ளது.
Home