‘வலிமை’ பட இயக்குநரை நேரில் சந்தித்த ‘மாஸ்டர்’ பட இயக்குநர்… வைரலாகும் புகைப்படம்!

தமிழ் சினிமாவில் இப்போது இரண்டு டாப் ஹீரோக்களை வைத்து படம் இயக்கி வரும் இரண்டு இயக்குநர்கள் லோகேஷ் கனகராஜ் மற்றும் ஹெச்.வினோத். ‘உலக நாயகன்’ கமல் ஹாசனை வைத்து ‘விக்ரம்’ படத்தை லோகேஷ் கனகராஜும், ‘தல’ அஜித்தை வைத்து ‘வலிமை’ படத்தை ஹெச்.வினோத்தும் இயக்கி வருகின்றனர்.

இதில் ‘வலிமை’ படத்தின் ஷூட்டிங் முடிவடையும் தருவாயில் உள்ளது. ‘விக்ரம்’ படத்தின் ஷூட்டிங்கை வருகிற மார்ச் மாதம் ஆரம்பிக்க ப்ளான் போட்டுள்ளனர். இந்நிலையில், இயக்குநர்கள் லோகேஷ் கனகராஜும், ஹெச்.வினோத்தும் நேரில் சந்தித்து பேசியுள்ளதாக தகவல் கிடைத்துள்ளது.

இந்த தகவலை இயக்குநர் லோகேஷ் கனகராஜே தனது ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியதுடன், இயக்குநர் ஹெச்.வினோத்துடன் எடுத்துக் கொண்ட ஸ்டில்லையும் வெளியிட்டுள்ளார். இந்த ஸ்டில் சமூக வலைத்தளங்களில் தீயாய் பரவி வருகிறது. லோகேஷ் கனகராஜ் இயக்கிய கடைசி படமான விஜய்யின் ‘மாஸ்டர்’ கடந்த ஜனவரி மாதம் 13-ஆம் தேதி பொங்கல் ஸ்பெஷலாக தமிழ், தெலுங்கு, மலையாளம் மற்றும் கன்னடத்திலும், ஜனவரி 14-ஆம் தேதி ஹிந்தியிலும் (விஜய் தி மாஸ்டர்) ரிலீஸானது. இப்படம் தியேட்டர்களில் வெற்றிகரமாக ஓடிக் கொண்டிருப்பது குறிப்பிடத்தக்கது.

Good time spent with #Vinoth anna after years! #Brotherhood🤗 pic.twitter.com/ovcKugV0Hu

— Lokesh Kanagaraj (@Dir_Lokesh) February 17, 2021