மார்ச் மாதம் திரையரங்குகளில் ரீ-ரிலீஸாகும் அஜித் படம்… கொண்டாட்டத்தில் ரசிகர்கள்!

முன்னணி நடிகர்களில் ஒருவரான ‘தல’ அஜித் நடித்து 2019-ஆம் ஆண்டு வெளியான ‘நேர்கொண்ட பார்வை’ சூப்பர் ஹிட்டானது. ஆகையால், ‘நேர்கொண்ட பார்வை’ படத்தின் இயக்குநர் ஹெச்.வினோத் மற்றும் தயாரிப்பாளர் போனி கபூருடன் மீண்டும் அஜித் கூட்டணி அமைத்திருக்கிறார். அந்த படம் தான் ‘வலிமை’.

இதில் ‘தல’ அஜித் காக்கி சட்டை அணிந்து பவர்ஃபுல்லான போலீஸ் ரோலில் வலம் வந்து எதிரிகளை துவம்சம் செய்யப் போகிறாராம். ரஜினியின் ‘காலா’ படத்தில் ‘ஜரீனா’ கதாபாத்திரத்தில் வந்த ஹூமா குரேஷி தான் இந்த படத்தில் ஹீரோயினாம். அஜித்துக்கு எதிரியாக தெலுங்கு நடிகர் கார்த்திகேயா நடிக்கிறாராம். இப்படத்திற்கு டாப் இசையமைப்பாளர்களில் ஒருவரான யுவன் ஷங்கர் ராஜா இசையமைத்து வருகிறார். இதன் ஷூட்டிங் இறுதிக்கட்டத்தில் உள்ளது.

இந்நிலையில், அஜித் 2007-யில் நடித்த ‘பில்லா’ படத்தை வருகிற மார்ச் 12-ஆம் தேதி திரையரங்குகளில் ரீ-ரிலீஸ் செய்ய ப்ளான் போட்டுள்ளதாக தகவல் கிடைத்துள்ளது. இதனால் அஜித்தின் ரசிகர்கள் ஹேப்பி மோடுக்கு ஆக்டிவேட் ஆகியுள்ளனர். பாப்புலர் இயக்குநர்களில் ஒருவரான விஷ்ணுவர்தன் இயக்கி மிகப் பெரிய வெற்றி பெற்ற ‘பில்லா’ படத்தில் முக்கிய ரோல்களில் பிரபு, ‘லேடி சூப்பர் ஸ்டார்’ நயன்தாரா, நமீதா, ரகுமான், சந்தானம், ஆதித்யா மற்றும் பலர் நடித்துள்ளனர்.

#Billa to re release on March 12th #ThalaAjith #Nayanthara #Namitha #VishnuVardhan pic.twitter.com/uqg7FfchRe

— Nikil Murukan (@onlynikil) February 21, 2021