விஜயகாந்தை நேரில் சந்தித்து ஆசி பெற்ற உதயநிதி ஸ்டாலின்!

சினிமாவில் பாப்புலர் ஹீரோவாக வலம் வருபவர் உதயநிதி ஸ்டாலின். இப்போது நடிகர் உதயநிதி ஸ்டாலின் நடிப்பில் ‘ஏஞ்சல், கண்ணை நம்பாதே’, ‘ஆர்டிகிள் 15’ ரீமேக் மற்றும் இயக்குநர் மகிழ் திருமேனி படம் என நான்கு படங்கள் லைன் அப்பில் இருக்கிறது.

கடந்த ஏப்ரல் 6-ஆம் தேதி தமிழக சட்டமன்ற தேர்தல் நடைபெற்றது. நடிகரும், திமுக-வின் இளைஞரணி செயலாளருமான உதயநிதி ஸ்டாலின் சேப்பாக்கம் – திருவல்லிக்கேணி தொகுதியில் போட்டியிட்டிருந்தார். நேற்று முன் தினம் தேர்தல் முடிவுகள் வெளி வந்தது. உதயநிதி ஸ்டாலின் 69,355 வாக்குகள் வித்தியாசத்தில் மாபெரும் வெற்றியை பெற்றார்.

தற்போது, உதயநிதி ஸ்டாலின் ட்விட்டரில் “தேமுதிக தலைவர், திரையுலகின் மூத்தவர் அண்ணன் விஜயகாந்த் அவர்களை அவரது சாலிகிராமம் இல்லத்தில் சந்தித்து நலம் விசாரித்தேன். கழகத்தின் வெற்றிக்காகவும் – எனது வெற்றிக்காகவும் அன்போடு வாழ்த்திய அண்ணன் அவர்களுக்கு அன்பும், நன்றியும்” என்று கூறியதுடன், விஜயகாந்துடன் எடுத்துக்கொண்ட சில ஸ்டில்ஸையும் வெளியிட்டுள்ளார் உதயநிதி.

1

2

தேமுதிக தலைவர், திரையுலகின் மூத்தவர் அண்ணன் @iVijayakant அவர்களை அவரது சாலிகிராமம் இல்லத்தில் சந்தித்து நலம் விசாரித்தேன். கழகத்தின் வெற்றிக்காகவும் – எனது வெற்றிக்காகவும் அன்போடு வாழ்த்திய அண்ணன் அவர்களுக்கு அன்பும், நன்றியும். #PremalathaVijayakant @lksudhish @vj_1312 pic.twitter.com/NbimFNeSzb

— Udhay (@Udhaystalin) May 4, 2021

திரைப்பட நடிகரும், சென்னை சேப்பாக்கம் சட்டமன்ற உறுப்பினருமான திரு. உதயநிதி ஸ்டாலின் அவர்கள் மரியாதை நிமித்தமாக, சாலிகிராமத்தில் உள்ள எனது இல்லத்தில் நேரில் சந்தித்து ஆசி பெற்றார் . அப்போது எடுக்கப்பட்ட படங்கள். pic.twitter.com/mejBOsVd3C

— Vijayakant (@iVijayakant) May 4, 2021