“கோபத்தை குறைச்சுட்டு, strategy-அ ஏத்தணும்”… ‘பிக் பாஸ் அல்டிமேட்’யில் கலந்துகொள்ளும் சுரேஷ் சக்கரவர்த்தி!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 5 கடந்த ஆண்டு (2021) அக்டோபர் 3-ஆம் தேதி முதல் ஒளிபரப்பாகி வந்தது. இந்த நிகழ்ச்சியில் இசை வாணி, ராஜு ஜெயமோகன், மதுமிதா, அபிஷேக் ராஜா, நமீதா மாரிமுத்து, பிரியங்கா தேஷ்பாண்டே, அபிநய், பாவனி ரெட்டி, சின்னப்பொண்ணு, நாடியா சங், வருண், இமான் அண்ணாச்சி, சுருதி, அக்ஷரா ரெட்டி, ஐக்கி பெர்ரி, தாமரைச்செல்வி, சிபி, நிரூப், அமீர், சஞ்சீவ் ஆகிய 20 பிரபலங்கள் கலந்து கொண்டனர்.

கடந்த ஜனவரி 16-ஆம் தேதி வரை நடைபெற்ற இந்த சீசனில் ராஜு ஜெயமோகன் டைட்டில் வின்னர் என்றும், பிரியங்கா ரன்னர் அப் என்றும் ‘உலக நாயகன்’ கமல் ஹாசன் அறிவித்தார். இதனைத் தொடர்ந்து வருகிற ஜனவரி 30-ஆம் தேதி முதல் பிரபல OTT தளமான ‘டிஸ்னி ப்ளஸ் ஹாட் ஸ்டார்’யில் 24 மணி நேரமும் ‘பிக் பாஸ் அல்டிமேட்’ என்ற புதிய நிகழ்ச்சி ஒளிபரப்பாகப்போகிறது.

‘பிக் பாஸ்’யின் அனைத்து சீசன்களிலும் வந்த பிரபலங்களில் சிலர் கலந்து கொள்ளப்போகும் இந்நிகழ்ச்சியின் ப்ரோமோ வீடியோக்கள் சமீபத்தில் வெளியிடப்பட்டது. இதையும் நடிகர் கமல் ஹாசனே தொகுத்து வழங்கப்போகிறாராம். இதில் சிநேகன், ஜூலி, வனிதா உள்ளிட்ட 16 போட்டியாளர்கள் கலந்து கொள்ளவிருக்கிறார்கள். தற்போது, இந்நிகழ்ச்சியில் சுரேஷ் சக்கரவர்த்தியும் கலந்து கொள்ளவிருப்பதாக அறிவித்ததுடன், அதற்கான ப்ரோமோ வீடியோவும் வெளியிடப்பட்டுள்ளது.

#BBUltimate-ல் சுரேஷ் சக்ரவர்த்தி !! #YaaruAnthaHousemate pic.twitter.com/4AMnHh08Eo

— Disney+ Hotstar Tamil (@disneyplusHSTam) January 27, 2022