பாரிஸுக்கு சுற்றுலா சென்ற நடிகர் ஆதி – நடிகை நிக்கி கல்ராணி… தீயாய் பரவும் ஸ்டில்ஸ்!

August 30, 2022 / 10:13 AM IST

தமிழ் திரையுலகில் பிரபல நடிகையாக வலம் வருபவர் நிக்கி கல்ராணி. இவர் தமிழில் நடித்த முதல் படமே ஹாரர் ஜானர். அது தான் ‘டார்லிங்’. இந்த படத்தில் கதையின் நாயகனாக ஜி.வி.பிரகாஷ் குமார் நடித்திருந்தார். இப்படம் சூப்பர் ஹிட்டானதும், நிக்கி கல்ராணிக்கு அடித்தது ஜாக்பாட்.

அடுத்தடுத்து இவரின் கால்ஷீட் டைரியில் ‘யாகாவாராயினும் நா காக்க, கோ 2, வேலைன்னு வந்துட்டா வெள்ளக்காரன், கடவுள் இருக்கான் குமாரு, மொட்ட சிவா கெட்ட சிவா, மரகத நாணயம், நெருப்புடா, ஹர ஹர மஹாதேவகி, கலகலப்பு 2, பக்கா, சார்லி சாப்ளின் 2, கீ, ராஜவம்சம், இடியட்’ என படங்கள் குவிந்தது.

நிக்கி கல்ராணி தமிழ் மொழி படங்கள் மட்டுமின்றி மலையாளம், கன்னடம் மற்றும் தெலுங்கு ஆகிய மொழி படங்களிலும் வலம் வந்து ரசிகர்களிடம் அப்ளாஸ் வாங்கியிருக்கிறார். இப்போது, நிக்கி கல்ராணி நடிப்பில் ஒரு மலையாள படம் மட்டும் இருக்கிறது.

இந்த ஆண்டு (2022) மே 18-ஆம் தேதி நிக்கி கல்ராணி பிரபல நடிகர் ஆதியை திருமணம் செய்து கொண்டார். தற்போது, ஆதி – நிக்கி கல்ராணி பாரிஸுக்கு சுற்றுலா சென்றுள்ளதாக தகவல் கிடைத்துள்ளது. இந்த தகவலை நிக்கி கல்ராணியே தனது இன்ஸ்டாகிராம் பக்கத்தில் தெரிவித்ததுடன், அங்கு எடுத்த ஸ்டில்ஸ் மற்றும் வீடியோஸை வெளியிட்டுள்ளார்.