தன் அடுத்த படம் குறித்து விளக்கம் அளித்துள்ள நடிகர் மாதவன்!

தமிழ் சினிமாவின் முன்னணி நடிகர்களில் ஒருவரான மாதவன் நடிகை ஷ்ரத்தா ஸ்ரீநாத்துடன் இணைந்து “மாறா” என்ற திரைப்படத்தில் நடித்துள்ளார்.

இந்த வருடத்தின் தொடக்கத்தில் இந்த படத்தின் படப்பிடிப்பு தொடங்கியது. சமீபத்தில் இந்த திரைப்பட குழு இந்த படத்தின் படப்பிடிப்பு காட்சிகள் முடிந்துள்ளதாகவும் போஸ்ட் புரொடக்ஷன் மற்றும் டப்பிங் வேலைகள் விரைவில் முடிக்கப்பட்டு இந்த படம் வெளியிடப்படும் என்றும் செய்தி வெளியிட்டிருந்தார்கள்.

தற்போது இந்த திரைப்படம் வருகிற டிசம்பர் 17ஆம் தேதி அமேசான் பிரைம் எனும் ஓடிடி தளத்தில் வெளியாகும் என்று திரைப்பட குழு அதிகாரபூர்வமான செய்தியை வெளியிட்டுள்ளார்கள்.

இந்தப்படம் மட்டுமன்றி நடிகர் மாதவன் “ராக்கெட்ரி – த நம்பி எபெக்ட்” என்ற திரைப்படத்தை எழுதி இயக்கி நடித்து வருகிறார். இதைத்தொடர்ந்து மாதவன் ரத்தன் டாட்டாவின் பயோபிக் படத்தில் நடிக்க உள்ளதாக போஸ்டர்கள் வெளியானது.

தற்போது இது குறித்து விளக்கமளித்து பதிவிட்டுள்ள நடிகர் மாதவன், இந்த மாதிரி எந்த படமும் உருவாவதற்கான பேச்சுவார்த்தை கூட நடக்கவில்லை என்றும் இது ஏதேனும் ஒரு ரசிகரின் விருப்பமாக இருக்கலாம் என்றும் கூறியுள்ளார்.

Hey unfortunately it’s not true. It was just a wish at some fans will made the poster. No such project is even on the pipeline or being discussed. https://t.co/z6dZfvOQmO

— Ranganathan Madhavan (@ActorMadhavan) December 11, 2020