“எங்கள் குடும்பத்தின் பெயரை தவறாக பயன்படுத்துகிறார்கள்”… திரையுலக பிரபலங்களை உஷார்படுத்திய ஷாந்தனு!

தமிழ் சினிமாவில் பாப்புலர் ஹீரோக்களில் ஒருவராக வலம் வருபவர் ஷாந்தனு. பாப்புலர் இயக்குநர் கே.பாக்யராஜின் மகனான ஷாந்தனு குழந்தை நட்சத்திரமாக ‘வேட்டிய மடிச்சுக்கட்டு’ படத்தில் நடித்து ரசிகர்களிடம் அப்ளாஸ் வாங்கினார். அதன் பிறகு ஹீரோ அவதாரம் எடுத்தார் ஷாந்தனு.

‘சக்கரகட்டி, சித்து +2, கண்டேன், ஆயிரம் விளக்கு, அம்மாவின் கைப்பேசி, வாய்மை, கோடிட்ட இடங்களை நிரப்புக, முப்பரிமாணம், வானம் கொட்டட்டும், பாவக் கதைகள், மாஸ்டர், கசட தபற, முருங்கைகாய் சிப்ஸ்’ என தொடர்ந்து பல படங்களில் நடித்துள்ளார் ஷாந்தனு. 2015-யில் VJ கீர்த்தியை திருமணம் செய்து கொண்டார் ஷாந்தனு. இப்போது, ஷாந்தனு நடிப்பில் ‘இராவண கோட்டம்’ என்ற படம் உருவாகி வருகிறது. இந்த படத்தை பாப்புலர் இயக்குநர்களில் ஒருவரான விக்ரம் சுகுமாரன் இயக்கி வருகிறார். இதில் ஹீரோயினாக ‘கயல்’ ஆனந்தி நடிக்கிறார்.

இந்நிலையில், ஷாந்தனு தனது ட்விட்டர் பக்கத்தில் “எனது குடும்பத்தை சேர்ந்தவர்கள் என்று பொய்யாக கூறி சிலர் எனக்கு தெரிந்த சில சினிமா நண்பர்களுக்கு போன் செய்து வருவதாக கேள்விப்பட்டேன். எங்கள் குடும்பத்தின் பெயரை தவறாக பயன்படுத்துகிறார்கள். இது போன்றவர்களிடம் எச்சரிக்கையாக இருங்கள்” என்று குறிப்பிட்டு அவ்வாறு பயன்படுத்தப்பட்ட ஒரு செல் நம்பரின் ஸ்க்ரீன்ஷாட்டையும் ஷேர் செய்துள்ளார்.

Hello
My film friends have recently been receiving anonymous calls portraying to be part of my family & trying to misuse our name…
Kindly beware & do not encourage! Pls feel free to reach out for any clarification.. Tnx
Ps: Attaching a screenshot of one of the numbers they used pic.twitter.com/T8oARfN3ll

— Shanthnu 🌟 ஷாந்தனு Buddy (@imKBRshanthnu) January 25, 2022