ஏப்ரலில் ஆரம்பமாகும் ‘விஜய் 66’ பட ஷூட்டிங்… ஹீரோயின் க்ரித்தி சனோனுக்கு எவ்வளவு சம்பளம் தெரியுமா?

தமிழ் சினிமாவில் முன்னணி நடிகர்களில் ஒருவராக வலம் வருபவர் விஜய். இவரது ரசிகர்கள் ‘தளபதி’ என்று அன்போடு அழைத்து வருகிறார்கள். விஜய்யின் கடைசி படமான ‘மாஸ்டர்’ கடந்த ஆண்டு (2021) பொங்கல் ஸ்பெஷலாக தமிழ், தெலுங்கு, மலையாளம், கன்னடம் மற்றும் ஹிந்தியில் ரிலீஸானது. இந்த படத்தை லோகேஷ் கனகராஜ் இயக்கியிருந்தார்.

இதில் தளபதிக்கு ஜோடியாக மாளவிகா மோகனன் நடித்திருந்தார். தளபதிக்கு எதிரியாக விஜய் சேதுபதி நடித்திருந்தார். விஜய்யின் அடுத்த படமான ‘பீஸ்ட்’-ஐ நெல்சன் இயக்க, ‘சன் பிக்சர்ஸ்’ தயாரித்துள்ளது. இதில் விஜய்-க்கு ஜோடியாக பூஜா ஹெக்டே நடித்துள்ளார். இப்படம் வருகிற ஏப்ரல் 13-ஆம் தேதி ரிலீஸாகவுள்ளது.

‘பீஸ்ட்’-ஐ தொடர்ந்து விஜய்-யின் 66-வது படத்தை ‘ஸ்ரீ வெங்கடேஸ்வரா கிரியேஷன்ஸ்’ நிறுவனம் சார்பில் தில் ராஜு தயாரிக்க உள்ளார். தமிழ், தெலுங்கு என இரண்டு மொழிகளில் உருவாக உள்ள இப்படத்தினை ‘தோழா’ படம் மூலம் ஃபேமஸான இயக்குநர் வம்சி இயக்க உள்ளார்.

இந்த படத்துக்கான ப்ரீ-புரொடக்ஷன் பணிகள் நடந்து கொண்டிருக்கிறது. இதன் ஷூட்டிங் வருகிற ஏப்ரல் 2-ஆம் தேதியிலிருந்து ஆரம்பமாகவுள்ளது. இந்நிலையில், இதில் விஜய்-க்கு ஜோடியாக நடிக்க பிரபல பாலிவுட் நடிகை க்ரித்தி சனோன் ஒப்பந்தமாகி உள்ளதாக தகவல் கிடைத்துள்ளது. இந்த படத்தில் நடிக்க க்ரித்தி சனோனுக்கு ரூ.4 கோடி சம்பளம் பேசப்பட்டுள்ளதாம்.