சினிமாவில் டாப் இயக்குநர்களில் ஒருவராக வலம் வருபவர் எஸ்.எஸ்.ராஜமௌலி. ‘பாகுபலி 1 & 2’வின் வெற்றியை தொடர்ந்து பிரம்மாண்ட படைப்பான ‘இரத்தம் ரணம் ரௌத்திரம்’ (RRR)-ஐ இயக்கியிருந்தார் எஸ்.எஸ்.ராஜமௌலி. இப்படத்தினை D.V.V. தானய்யா தனது ‘DVV எண்டர்டெயின்மெண்ட்ஸ்’ மூலம் தயாரித்திருந்தார்.
இந்த படம் தெலுங்கு மொழி மட்டுமில்லாமல் தமிழ், மலையாளம், கன்னடம் மற்றும் ஹிந்தி ஆகிய மொழிகளிலும் டப் செய்யப்பட்டு கடந்த ஆண்டு (2022) மார்ச் 25-ஆம் தேதி திரையரங்குகளில் ரிலீஸானது. இதில் தெலுங்கு திரையுலகின் டாப் ஹீரோக்களான ஜூனியர் என்.டி.ஆர், ராம் சரண் இருவரும் இணைந்து நடித்திருந்தனர். மேலும், மிக முக்கிய ரோல்களில் சமுத்திரக்கனி, அஜய் தேவ்கன், ஒலிவியா மோரிஸ், அலியா பட், ரே ஸ்டீவன்சன், அலிசன் டூடி, ஸ்ரேயா சரண் மற்றும் பலர் நடித்திருந்தார்கள்.
இப்படம் ரசிகர்களிடம் நல்ல வரவேற்பை பெற்று சூப்பர் ஹிட்டானது. உலக அளவில் இந்த படத்தின் மொத்த வசூல் ரூ.1150.10 கோடியாம். தற்போது, இயக்குநர் எஸ்.எஸ்.ராஜமௌலி தனது ட்விட்டர் பக்கத்தில் ‘டைட்டானிக், அவதார்’ போன்ற படங்களை இயக்கிய முன்னணி ஹாலிவுட் இயக்குநரான ஜேம்ஸ் கேமரூனுடன் எடுத்துக்கொண்ட ஸ்டில்ஸை ஷேரிட்டதுடன் “ஜேம்ஸ் கேமரூன் ‘RRR’ படத்தை பார்த்துவிட்டு பேசினார்.
அவருக்கு மிகவும் பிடித்ததால், அவரது மனைவியிடம் பார்க்க சொல்லியிருக்கிறார். பின், அவர் மனைவியுடன் இணைந்தும் இன்னொரு முறை பார்த்திருக்கிறார். ஜேம்ஸ் கேமரூன் என் படம் குறித்து 10 நிமிடங்கள் பேசியதையும், என்னை பாராட்டியதையும் இன்னும் என்னால் நம்ப முடியவில்லை” என்று பதிவிட்டுள்ளார்.
The great James Cameron watched RRR.. He liked it so much that he recommended to his wife Suzy and watched it again with her.
Sir I still cannot believe you spent a whole 10 minutes with us analyzing our movie. As you said I AM ON TOP OF THE WORLD… Thank you both pic.twitter.com/0EvZeoVrVa
— rajamouli ss (@ssrajamouli) January 16, 2023
Home