கமல்ஹாசனை நேரில் சந்தித்து பேசிய ‘அயலான்’ பட இயக்குநர்… வைரலாகும் ஸ்டில்ஸ்!

தமிழ் சினிமாவில் பாப்புலர் இயக்குநர்களில் ஒருவராக வலம் வருபவர் ரவிக்குமார். இவர் இயக்கிய முதல் படமே சூப்பர் ஹிட்டானது. அது தான் ‘இன்று நேற்று நாளை’. இதில் விஷ்ணு விஷால் ஹீரோவாக நடிக்க, அவருக்கு ஜோடியாக மியா ஜார்ஜ் நடித்திருந்தார். இப்படத்தின் ஹிட்டிற்கு பிறகு ரவிக்குமாருக்கு அடித்தது ஜாக்பாட்.

ரவிக்குமாருக்கு ‘அயலான்’ படத்தை இயக்கும் வாய்ப்பை அளித்தார் டாப் ஹீரோக்களில் ஒருவரான சிவகார்த்திகேயன். இந்த படத்தின் ஷூட்டிங் முடிவடைந்து போஸ்ட் புரொடக்ஷன் பணிகள் நடைபெற்று வருகிறது. இந்நிலையில், இயக்குநர் ரவிக்குமார் டாப் ஹீரோக்களில் ஒருவரான ‘உலக நாயகன்’ கமல் ஹாசனை நேரில் சந்தித்து பேசியுள்ளதாக தகவல் கிடைத்துள்ளது.

இது குறித்து ரவிக்குமார் தனது ட்விட்டர் பக்கத்தில் “நான் வியந்து பார்த்த ஆளுமை அவரோடு எடுத்துக்கொண்ட முதல் புகைப்படம். அவரிடம் லோகேஷ் என்னை அறிமுகம் செய்துவைத்ததும், டைம் டிராவல் பற்றிய ஒரு ஸ்பானிஷ் படத்தின் அம்சங்களை அவர் பகிர்ந்துகொண்டதும் இன்னும் வியப்பு குறையா நிமிடங்கள்.

வாழ்வின் பரவசம்” என்று கூறியதுடன், கமலுடன் எடுத்துக்கொண்ட ஸ்டில்ஸையும் ஷேர் செய்துள்ளார். கமல் – லோகேஷ் கனகராஜ் கூட்டணி அமைத்து சமீபத்தில் வெளியான ‘விக்ரம்’ படம் திரையரங்குகளில் வெற்றிகரமாக ஓடிக் கொண்டிருப்பது குறிப்பிடத்தக்கது.