“அர்ச்சனா ஒரு தலை பட்சமா இருக்காங்க”-ன்னு சொன்ன பாலாஜி… வெளியானது ‘பிக் பாஸ் 4’ புது ப்ரோமோ!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது . இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருந்தார்கள். தினமும் பல பிரபலங்களின் பெயர்களை குறிப்பிட்ட வண்ணம் இருந்தது கோலிவுட் வட்டாரம்.

தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர். கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார்.

கடந்த ஞாயிற்றுக்கிழமை பிக் பாஸ் ஷோவில் ரேகா எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் போட்டியாளர்களுக்கு கொடுக்கப்படும் புதிய டாஸ்கில் “போட்டியாளர்கள் தங்களுக்குள் 1-யிலிருந்து 16-வரை வரிசை படுத்த வேண்டும். 1-வது நபராக நிற்பவர் ‘பிக் பாஸ்’ சீசன் 4-யின் வெற்றியாளரை குறிக்கும். அதை தொடர்ந்து வரும் வரிசை ஒவ்வொரு வாரத்தின் எவிக்ஷனை குறிக்கும். 16-வதாக நிற்கும் நபர் இந்த வார எவிக்ஷன் பிராஸஸில் வெளியேறுபவராக இருக்கலாம்” என்று சொல்லப்படுகிறது.

அங்கு 11-வது நபராக தொகுப்பாளினி அர்ச்சனாவை நிற்க வைக்க வேண்டுமென பாலாஜி முருகதாஸ், ரம்யா பாண்டியன், ஆஜித் ஆகியோர் கையை தூக்குகிறார்கள். அதில் பாலாஜி முருகதாஸ் “ரீசன் வந்து ஒரு தலை பட்சமா இருக்காங்க. எனக்கு என் கோபம் தூக்கி சாப்பிட்டுவிடும்னு சொன்ன அர்ச்சனா தான், ரியோ அண்ணாக்கிட்ட உன் கோபத்தை மாஸ்க் போட்டுக்கோடா அப்படின்னு சொன்னாங்க. ஒருத்தருக்கு கோபம் சரி, ஒருத்தருக்கு கோபம் சரியில்லைன்னு எப்படி சொல்றாங்கன்னு தெரியல. எனக்கு அவங்களோட வார்த்தைகளே ரொம்ப biased-ஆ இருக்கு. so, அதுனால அர்ச்சனா 11” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day19 #Promo3 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/bysgxDanQg

— Vijay Television (@vijaytelevision) October 23, 2020