உலக நாயகன் கமல்ஹாசன் குறித்து பாரதிராஜாவின் பதிவு!

தமிழ் சினிமாவின் முன்னணி நடிகர்களில் ஒருவரான உலகநாயகன் கமல்ஹாசன் குழந்தை நட்சத்திரமாக “களத்தூர் கண்ணம்மா” என்ற படத்தில் திரையுலகிற்கு அறிமுகமானார். அவர் திரையுலகில் கால் பதித்து 61 வருடங்களை நிறைவு செய்ததை கொண்டாடும் விதமாக இவரது ரசிகர்கள் சக ஊழியர்கள் மற்றும் சினிமா துறையை சேர்ந்தவர்கள், பொதுமக்கள் என இவருக்கு தங்களது வாழ்த்துக்களை சமூக வலைத்தளங்களில் தெரிவித்து வருகிறார்கள்.

தற்போது இயக்குனர் பாரதிராஜா உலகநாயகன் கமல்ஹாசன் 61 ஆண்டுகளை நிறைவு செய்ததையொட்டி அவரை வாழ்த்தி தனது ட்விட்டர் பக்கத்தில் பதிவு ஒன்றை வெளியிட்டுள்ளார்.

பாரதிராஜா குறிப்பிட்டுள்ளதாவது ” இந்திய திரையுலகில் அரை நூற்றாண்டுக்கு மேல் கடந்து பல்வேறு தொழில்நுட்பங்கள் பலநூறு கதாபாத்திரங்கள் உடலை வருத்தி உச்சம் தொட்ட உலகநாயகன் என் கமலுக்கு வாழ்த்துக்கள். அன்புடன் பாரதிராஜா” என்று கமல்ஹாசனை புகழ்ந்துள்ளார்.

தற்போது கமல்ஹாசன் ஷங்கர் இயக்கத்தில் உருவாகி வரும் “இந்தியன்2” என்ற திரைப்படத்தில் நடித்து வருகிறார். பல வருடங்களுக்கு முன்னால் வெளியான “இந்தியன்” படத்தின் சிக்குவலான இந்தப் படம் எப்போது வெளிவரும் என்று கமல் ரசிகர்கள் எதிர்பார்த்து காத்திருக்கிறார்கள்.

https://twitter.com/offBharathiraja/status/1293482683259957248?s=19

இந்த படத்தில் நடிகர் கமலுடன் ரகுல் பிரீத் சிங், பிரியா பவானி சங்கர், காஜல் அகர்வால், விவேக் உள்ளிட்டோர் நடித்துள்ளார்கள். இந்த படத்திற்கு அனிருத் ரவிச்சந்தர் இசையமைக்கிறார். முதலில் வெளியான இந்தியன் படத்திற்கு ஏ.ஆர்.ரகுமான் இசையமைத்தார் என்பது குறிப்பிடத்தக்கது.