‘பிக் பாஸ் 4’-யில் கலந்து கொள்ளப்போகும் போட்டியாளர்களின் புதிய லிஸ்ட் & ரூல்ஸ்!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4-க்கான ஷூட்டிங் வெகு விரைவில் துவங்கவுள்ளது. சமீபத்தில், விஜய் டிவி தங்களது அதிகாரப்பூர்வ ட்விட்டர் பக்கத்தில் ‘பிக் பாஸ்’ சீசன் 4-க்கான இரண்டு ப்ரோமோ வீடியோக்களை வெளியிட்டது.

நடிகர் ‘உலக நாயகன்’ கமல் ஹாசன் இடம்பெற்றிருக்கும் இந்த இரண்டு ப்ரோமோ வீடியோக்களும் சமூக வலைத்தளங்களில் வைரலானது. இந்த ப்ரோமோ வீடியோக்களில் ‘பிக் பாஸ்’-யின் லோகோ டிசைன் புதிதாக டிசைன் செய்யப்பட்டிருந்தது. இந்த சீசன் 4-யில் கலந்து கொள்ளப்போகும் பிரபலங்கள் யார்? என தெரிந்து கொள்ள ரசிகர்கள் ஆர்வமாக இருக்கிறார்கள்.

தினமும் பல பிரபலங்களின் பெயர்களை குறிப்பிட்ட வண்ணமுள்ளது கோலிவுட் வட்டாரம். தற்போது, ‘கொரோனா’ பிரச்சனை காரணமாக இதில் கலந்து கொள்ளப்போகும் போட்டியாளர்களுக்கு டெஸ்ட் எடுத்துள்ளனர். டெஸ்ட் ரிசல்டில் ‘நெகட்டிவ்’ என்று வந்தவர்களை சில நாட்களுக்கு ஹோம் குவாரண்டைனில் இருக்க சொல்லியிருக்கிறார்கள். இந்த லிஸ்டில் ரம்யா பாண்டியன், ஷிவானி நாராயணன், சனம் ஷெட்டி, அனு மோகன், ஆஜித், ரியோ ராஜ், கேப்ரில்லா, ஜித்தன் ரமேஷ், ஆரி ஆகியோரின் பெயர்கள் இருக்கிறதாம்.

எப்பவும் அதிக போட்டியாளர்கள் கலந்து கொள்ளும் இந்த ஷோவில் இம்முறை 12 போட்டியாளர்கள் மட்டும் தான் கலந்து கொள்ளப்போகிறார்களாம். மேலும், இதுவரை 100 நாட்கள் நடந்த இந்நிகழ்ச்சி இந்த முறை 80 நாட்கள் மட்டுமே நடக்குமாம். இந்த நிகழ்ச்சி வருகிற அக்டோபர் 4-ஆம் தேதி முதல் ஒளிபரப்பாகத் துவங்கும் என்று சொல்லப்படுகிறது. வெகு விரைவில் இந்த சீசன் 4-யில் கலந்து கொள்ளப்போகும் அந்த பிரபலங்களின் பட்டியல் அதிகாரப்பூர்வமாக அறிவிக்கப்படும் என எதிர்பார்க்கப்படுகிறது.

1.Ramya Pandian

2.Shivani Narayanan

3.Sanam Shetty

4.Anu Mohan

5. Super Singer Aajeedh

6.Rio Raj

7.Gabriella Charllton

8.Jithan Ramesh

9.Aari