பாலிவுட் சினிமாவில் பாப்புலர் நடிகைகளில் ஒருவராக வலம் வருபவர் ஷில்பா ஷெட்டி. இவர் ஹிந்தியில் அறிமுகமான முதல் படம் ‘பாஸிகர்’. இதில் ஹீரோவாக ஷாருக்கான் நடித்திருந்தார். இந்த படத்தை இயக்குநர்கள் அப்பாஸ் – முஸ்தான் இணைந்து இயக்கியிருந்தனர். இப்படம் சூப்பர் ஹிட்டானது.
‘பாஸிகர்’ படத்தின் ஹிட்டிற்கு பிறகு நடிகை ஷில்பா ஷெட்டிக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ஹிந்தி படங்கள் குவிந்தது. ஷில்பா ஷெட்டி தமிழில் ‘Mr.ரோமியோ’ என்ற படத்தில் நடித்திருந்தார். 1996-ஆம் ஆண்டு வெளியான இந்த படத்தில் கதாநாயகனாக பிரபு தேவா நடித்திருந்தார்.
இதனைத் தொடர்ந்து ‘தளபதி’ விஜய்யின் ‘குஷி’ படத்தில் ‘மேக்கரீனா’ என்ற பாடலில் மட்டும் நடனமாடியிருந்தார். ஷில்பா ஷெட்டி ஹிந்தி மற்றும் தமிழ் மொழி படங்கள் மட்டுமில்லாமல் தெலுங்கு, கன்னடம் ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார்.
இப்போது ஷில்பா ஷெட்டி நடிப்பில் ஹிந்தி மொழியில் ஒரு படமும், கன்னட மொழியில் ஒரு படமும் லைன் அப்பில் இருக்கிறது. இந்நிலையில், இவரின் சொத்து மதிப்பு ரூ.150 கோடி என தகவல் கிடைத்துள்ளது.
Home
