நடிகர் கவுண்டமணி முழு ஆரோக்கியத்துடன் இருக்கிறார்!

தமிழ் சினிமாவின் முன்னணி காமெடி நடிகர்களில் ஒருவரான கவுண்டமணி சமீபத்தில் உடல் நலம் சரியில்லாமல் இருப்பதாக வதந்தி பரவியது.

இது குறித்து அவரது தரப்பிலிருந்து தற்போது கொடுக்கப்பட்ட விளக்கத்தில் அவ்வப்போது அவருக்கு உடல்நலம் சரியில்லாமல் போவதாக வதந்தி பரப்பி வருவதாகவும், கவுண்டமணி முழு ஆரோக்கியத்துடன் இருப்பதாகவும் அவருக்கு எந்தவித பாதிப்பும் இல்லை என்றும் விளக்கம் அளித்துள்ளார்கள்.

அதுமட்டுமின்றி இது முதல் முறை அல்ல ஏற்கனவே இவருக்கு உடல்நிலை சரியில்லை என்றும் உயிருக்குப் போராடி வருவதாகவும் வதந்தி பரவியதாகவும், இனிமேல் இதுபோன்ற பொய்யான தகவல்களை யாரும் பரப்ப வேண்டாம் என்றும் அவ்வாறு பரப்பினால் சட்டப்படி நடவடிக்கை எடுக்கப்படும் என்றும் எச்சரிக்கை விடுத்துள்ளார்.

மேலும் கவுண்டமணி தரப்பிலிருந்து கமிஷனர் அலுவலகத்தில் இதுகுறித்து புகார் அளிக்கப்பட்டுள்ளதாக தற்போது தகவல் வந்துள்ளது. யாரேனும் இவரை குறித்து தவறான செய்தி பரப்பினால் அதற்காக தண்டிக்கப்படுவார்கள் என்று எச்சரித்துள்ளார்கள்.