Pushpa 2 The Rule : தள்ளிப்போகிறதா அல்லு அர்ஜுனின் ‘புஷ்பா 2: தி ரூல்’ ரிலீஸ்?… தீயாய் பரவும் தகவல்!

தெலுங்கு சினிமாவில் டாப் ஹீரோக்களில் ஒருவராக வலம் வருபவர் அல்லு அர்ஜுன். ‘அல வைகுந்தபுரமுலோ’ படத்தின் வெற்றிக்கு பிறகு அல்லு அர்ஜுன் நடிப்பில் இரண்டு பாகங்களாக உருவாகி வந்த படம் ‘புஷ்பா’.

இதன் முதல் பாகம் 2021-ஆம் ஆண்டு டிசம்பர் 17-ஆம் தேதி தெலுங்கு மொழி மட்டுமில்லாமல் தமிழ், மலையாளம், கன்னடம் மற்றும் ஹிந்தி ஆகிய மொழிகளிலும் டப் செய்யப்பட்டு திரையரங்குகளில் ரிலீஸானது. இப்படம் சூப்பர் ஹிட்டானது.

இப்போது இப்படத்தின் இரண்டாம் பாகத்தின் (புஷ்பா 2: தி ரூல்) ஷூட்டிங் பரபரப்பாக நடைபெற்று வருகிறது. இப்படத்தினை சுகுமார் இயக்க, ‘மைத்ரி மூவி மேக்கர்ஸ்’ நிறுவனம் தயாரித்து வருகிறது. இதில் அல்லு அர்ஜுனுக்கு ஜோடியாக ராஷ்மிகா மந்தனா நடிக்கிறார். மேலும், பவர்ஃபுல்லான வில்லன் ரோலில் டாப் மலையாள ஹீரோக்களில் ஒருவரான ஃபஹத் ஃபாசில் நடிக்கிறார்.

கடந்த ஆண்டு (2023) ஏப்ரல் மாதம் இப்படத்தின் GLIMPSE-ஐ நடிகர் அல்லு அர்ஜுனின் பர்த்டே ஸ்பெஷளாக ரிலீஸ் செய்தனர். இந்த GLIMPSE படத்தின் மீதான எக்ஸ்பெக்டேஷன் லெவலை எகிற வைத்தது. முதலில் படத்தை இந்த ஆண்டு (2024) ஆகஸ்ட் 15-ஆம் தேதி ரிலீஸ் செய்ய ப்ளான் போட்டிருந்தனர். தற்போது, படத்தின் ரிலீஸை டிசம்பர் 20-ஆம் தேதிக்கு ஒத்தி வைத்துள்ளதாக தகவல் கிடைத்துள்ளது.