டேட்டிங்கிற்கு அழைத்தாரா முன்னணி தெலுங்கு நடிகர்?… கடுப்பாகி ஹன்ஷிகா போட்ட ட்வீட்!

திரையுலகில் நுழைந்தவுடனே அடுத்தடுத்து பல படங்களின் வாய்ப்பும், ரசிகர்களின் லைக்ஸும் குவிப்பது என்பது எல்லோராலும் சாதித்து விட முடியாது. அந்த சாதனையை அசால்ட்டாக செய்து காட்டியவர் நடிகை ஹன்ஷிகா மோத்வானி. ஆரம்பத்தில் சில ஹிந்தி படங்களில் குழந்தை நட்சத்திரமாக வலம் வந்த பேபி ஹன்ஷிகா, ‘தேசமுதுரு’ என்ற தெலுங்கு படத்தில் ஹீரோயின் ஹன்ஷிகாவாக அவதாரம் எடுத்தார்.

பின், ‘மாப்பிள்ளை’ படத்தில் தனுஷுக்கு ஜோடியாக தமிழில் அறிமுகமானார். உதயநிதி ஸ்டாலினுடன் இவர் நடித்த ‘ஒரு கல் ஒரு கண்ணாடி’ சூப்பர் ஹிட்டானதும், அடித்தது ஜாக்பாட். ஹன்ஷிகா மோத்வானியின் கால்ஷீட் டைரியில் படங்கள் குவிந்தது. ஹிந்தி, தமிழ், தெலுங்கு, மலையாளம் என நான்கு மொழிகளிலும் பிஸியாக நடித்து வரும் ஹன்ஷிகா மோத்வானிக்கு மிகப் பெரிய ரசிகர் பட்டாளம் இருக்கிறது.

இப்போது ஹன்ஷிகா நடிப்பில் தமிழ் மொழியில் ‘பாட்னர், ரவுடி பேபி, காந்தாரி, கார்டியன், மேன்’ மற்றும் தெலுங்கு மொழியில் ‘மை நேம் இஸ் ஸ்ருதி, 105 மினிட்ஸ்’ என 7 படங்கள் லைன் அப்பில் இருக்கிறது. சமீபத்தில், ஹன்ஷிகா தனது நீண்ட கால நண்பரும், மும்பையைச் சேர்ந்த பிரபல தொழிலதிபருமான சோஹேல் கதுரியாவை காதலித்து திருமணம் செய்து கொண்டார்.

இந்நிலையில், ஹன்ஷிகா கொடுத்த ஒரு பேட்டியில் “சினிமாவில் நடிக்க வந்த புதிதில் ஒரு முன்னணி தெலுங்கு நடிகர் என்னை தொடர்ந்து டேட்டிங் வருமாறு அழைத்து வந்தார். அவருக்கு சரியான நேரத்தில் நான் பாடம் புகட்டினேன்” என்று கூறியதாக டோலிவுட்டில் தண்டோரா போடப்பட்டு வந்தது. தற்போது, இது குறித்து ஹன்ஷிகா தனது ட்விட்டர் பக்கத்தில் “பரவி வரும் இந்த தகவல் உண்மையல்ல. வதந்தியே. நான் இந்த மாதிரி ஒரு தகவலை எப்போதும் சொல்லவே இல்லை. தவறான தகவலை பரப்ப வேண்டாம்” என்று கூறியுள்ளார்.

Have not given this quote ever ! Stop printing rubbish !!!!!!! @GulteOfficial pic.twitter.com/qEIKU2z9zE

— Hansika (@ihansika) May 23, 2023

Publications urging you to cross check before picking up random news piece ! Never made this comment that's doing the rounds pls fact check before publishing blindly .

— Hansika (@ihansika) May 23, 2023