‘இந்தியன் 2’ ஷூட்டிங்கிற்காக ஹெலிகாப்டரில் சென்ற கமல்… தீயாய் பரவும் வீடியோ!

சினிமாவில் டாப் ஹீரோக்களில் ஒருவராக வலம் வருபவர் ‘உலக நாயகன்’ கமல் ஹாசன். இப்போது இவர் நடிப்பில் ஷங்கரின் ‘இந்தியன் 2’, லோகேஷ் கனகராஜின் ‘விக்ரம் 2’, இயக்குநர் மணிரத்னம் படம், இயக்குநர் பா.இரஞ்சித் படம் மற்றும் இயக்குநர் ஹெச்.வினோத் படம் என ஐந்து படங்கள் லைன் அப்பில் இருக்கிறது.

இதில் ‘இந்தியன் 2’ படத்தில் மிக முக்கிய ரோல்களில் சித்தார்த், பாபி சிம்ஹா, காஜல் அகர்வால், ரகுல் ப்ரீத் சிங், ப்ரியா பவானி ஷங்கர் மற்றும் பலர் நடிக்கின்றனர்.

டாப் இசையமைப்பாளர்களில் ஒருவரான அனிருத் இசையமைக்கும் இதற்கு ரவிவர்மன் ஒளிப்பதிவு செய்கிறார். இதனை ‘லைகா புரொடக்ஷன்ஸ்’ சுபாஸ்கரனுடன் இணைந்து உதயநிதி ஸ்டாலின் தனது ‘ரெட் ஜெயன்ட் மூவிஸ்’ மூலம் தயாரிக்கிறார்.

தற்போது, இதன் ஷூட்டிங் கண்டிக்கோட்டாவில் நடைபெற்று வருவதாக தகவல் கிடைத்துள்ளது. ஷூட்டிங் ஸ்பாட்டிற்கு கமல் ஹெலிகாப்டரில் வந்து செல்லும் போது எடுக்கப்பட்ட வீடியோ மற்றும் ஸ்டில்ஸ் வெளியாகி வைரலாகி வருகிறது.