தற்போது இந்திய சீன எல்லையில் இரு நாட்டு வீரர்களுக்கும் நடந்த போரில் மூன்று இந்திய ராணுவ வீரர்கள் வீர மரணம் அடைந்தார்கள். இவர்கள் குடும்பத்திற்கு நடிகர் கமல்ஹாசன் தனது இரங்கலை தெரிவித்துள்ளார்.
உயிரிழந்தவர்களில் ஒருவரான ராமநாதபுரத்தைச் சேர்ந்த பழனி என்பவரது குடும்பத்திற்கு 20 லட்சம் நிவாரணம் வழங்கப்படும் என்று அரசு தரப்பு அறிவித்துள்ளது.
இந்நிலையில் நடிகர் மற்றும் மக்கள் நீதி மய்யம் கட்சியின் தலைவர் உலகநாயகன் கமல்ஹாசன் இறந்த ராணுவ வீரர் பழனி குடும்பத்திற்கு தன் இரங்கலை தெரிவித்துள்ளார்.
இதைப்பற்றி அவர் தன் ட்விட்டர் பக்கத்தில்” எல்லையில் சீன வீரர்களுடன் நடந்த போரில் உயிரிழந்த தமிழகத்தைச் சேர்ந்த ராணுவவீரரான பழனியின் வீரத்திற்கும், தியாகத்திற்கும் தலைவணங்குகிறேன். மேலும் அவரது குடும்பத்திற்கு எனது ஆழ்ந்த அனுதாபங்கள்” என்று குறிப்பிட்டுள்ளார்.
மேலும் அவர், உயிர்களின் மதிப்பை அறிந்தவர்கள் போரை விரும்பமாட்டார்கள் இந்த பிரச்சினைக்கு அமைதிவழியில் தீர்வு காண்போம் என்றும் குறிப்பிட்டிருந்தார்.
Home