‘சுல்தான்’யில் கார்த்திக்கு ஜோடியாக ராஷ்மிகா… வெளியானது ஃபன்னான மேக்கிங் வீடியோ!

சினிமாவில் டாப் ஹீரோக்களில் ஒருவராக வலம் வருபவர் கார்த்தி. இப்போது, கார்த்தி நடிப்பில் ‘பொன்னியின் செல்வன்’, ‘சுல்தான்’ மற்றும் பி.எஸ்.மித்ரனின் படம் என மூன்று படங்கள் லைன் அப்பில் இருக்கிறது. கடந்த ஆண்டு (2020) அக்டோபர் 8-ஆம் தேதி ‘சுல்தான்’ படத்தின் ஷூட்டிங் முடிந்து விட்டது. இதன் இறுதிக்கட்ட வேலைகள் ஜெட் ஸ்பீடில் நடைபெற்று வருகிறது.

கார்த்தியின் ரசிகர்கள் பல மாதங்களாக இப்படத்தின் ட்ரெய்லர் ரிலீஸுக்காக வெயிட் பண்ணிக் கொண்டிருந்தார்கள். கடந்த மார்ச் 24-ஆம் தேதி இந்த படத்தின் ட்ரெய்லரை ரிலீஸ் செய்தனர். இந்த ட்ரெய்லர் படத்தின் மீதான எக்ஸ்பெக்டேஷன் லெவலை எகிற வைத்தது.

இயக்குநர் பாக்யராஜ் கண்ணன் இயக்கும் இந்த படத்தில் ஹீரோயினாக ராஷ்மிகா மந்தனா நடித்துள்ளாராம். படத்தை வருகிற ஏப்ரல் 2-ஆம் தேதி தமிழ், தெலுங்கு என இரண்டு மொழிகளில் திரையரங்குகளில் ரிலீஸ் செய்ய ப்ளான் போட்டுள்ளனர். இந்நிலையில், இந்த படத்தில் ராஷ்மிகா மந்தனா நடித்துள்ள காட்சிகளின் மேக்கிங் வீடியோவை இன்று ரிலீஸ் செய்துள்ளனர்.

Want to know how your #RashmikaMandanna is on the set? I am rowdier than the 100 rowdy Annas in #Sulthan I think…🤣
Well … this is why…🤣#SulthanFromApril2https://t.co/7nEaaDBTQt

— Rashmika Mandanna (@iamRashmika) March 26, 2021