ரஜினி-கமல் இணையும் படம் குறித்து லோகேஷ் கனகராஜ்!

சூப்பர் ஸ்டார் ரஜினிகாந்த் மற்றும் உலக நாயகன் கமல்ஹாசன் இணைந்து நடிப்பார்களா என்று இருவரது ரசிகர்களும் பலவருடங்களாக எதிர்பார்த்து காத்திருக்கிறார்கள்.

இதையடுத்து கடந்த சில மாதங்களுக்கு முன்பு சூப்பர் ஸ்டார் ரஜினிகாந்த் மற்றும் உலக நாயகன் கமல்ஹாசன் இணைந்து லோகேஷ் கனகராஜ் இயக்கத்தில் நடிக்கவுள்ளதாக ஒரு செய்தி பரவி வந்தது, இது குறித்து தற்போது லோகேஷ் கனகராஜ் அதிகாரப்பூர்வமாக செய்தி வெளியிட்டுள்ளார்.

லோகேஷ் கனகராஜ் அந்த படம் பற்றி கூறியுள்ளதாவது, இப்போதைக்கு இந்த படம் குறித்து எந்த ஒரு பதிலும் கூற முடியாது என்றும் இந்த படம் குறித்த பேச்சுவார்த்தைகள் நடந்து வருகிறது ஆனால் ரஜினி மற்றும் கமல் இன்னும் இதற்கு சரியாக எந்த ஒரு பதிலும் கொடுக்கவில்லை மேலும் தயாரிப்பு நிறுவனம்தான் இந்த படம் பற்றிய செய்தியை மேலும் கூற வேண்டும் என்றும் இந்த படத்திற்கு இன்னும் நேரம் இருக்கிறது என்று நினைக்கிறேன் என்றும் கூறியுள்ளார்.

மேலும் அவர் தன்னுடைய அடுத்த படத்தின் கதையை எழுத ஆரம்பித்து விட்டதாகவும், அது குறித்த அதிகாரப்பூர்வமான தகவல்கள் வெளியிட உள்ளதாகவும் கூறியுள்ளார்.

இதனால் ரஜினி – கமல் இணையும் படம் விரைவில் வெளிவர வாய்ப்பில்லை என்று ரசிகர்கள் ஏமாற்றம் அடைந்துள்ளார்கள். தற்போது விஜய் நடிப்பில் லோகேஷ் கனகராஜ் இயக்கத்தில் “மாஸ்டர்” திரைப்படம் விரைவில் வெளியாகவுள்ளது குறிப்பிடத்தக்கது.