மீண்டும் இணைகிறார்களா பார்த்திபன் மற்றும் கார்த்தி?
August 29, 2020 / 03:09 PM IST
|Follow Us
தமிழ் சினிமாவின் பிரபல நடிகர் மற்றும் இயக்குனர்களில் ஒருவரான பார்த்திபன் தற்போது நடிகர் கார்த்தியுடன் ஒரு படத்தில் இணையப் போகிறார் என்ற செய்தி இணையதளத்தில் வைரலாகி வருகிறது.
2010 ஆம் ஆண்டு செல்வராகவன் இயக்கத்தில் வெளியான “ஆயிரத்தில் ஒருவன்” என்ற திரைப்படத்தில் நடிகர் பார்த்திபன் மற்றும் கார்த்தி இணைந்து நடித்திருந்தார்கள். இவர்கள் இருவரின் நடிப்பும் இந்த படத்தில் பெரிய அளவில் பாராட்டப்பட்டது.
இதைத் தொடர்ந்து செல்வராகவன் இந்த படத்தின் இரண்டாம் பாகம் எடுப்பது பற்றியும் தற்போது ஆலோசித்து வருகிறாராம்.
இந்நிலையில் மீண்டும் பார்த்திபன் மற்றும் கார்த்தி இணைந்து நடிக்க வாய்ப்புள்ளதாக தற்போது செய்தி வந்துள்ளது. இந்த வருட ஆரம்பத்தில் சச்சி இயக்கத்தில் மலையாளத்தில் வெளியாகி பிளாக்பஸ்டர் புகழ் பெற்ற திரைப்படம் “ஐயப்பனும் கோஷியும்” தமிழில் ரீமேக் செய்யப்படவுள்ளதாகவும் அப்படி ரீமேக் செய்தால் அந்தப் படத்தில் நடிகர் பார்த்திபன் மற்றும் கார்த்தி நடிக்க வாய்ப்பு உள்ளதாகவும் தற்போது செய்தி வந்துள்ளது.
இந்த படத்தின் ரீமேக் உரிமையை தயாரிப்பாளர் பைவ் ஸ்டார் கதிரேசன் பெற்றுள்ளார். ஏற்கனவே இந்த படத்தில் சசிகுமார் நடிப்பார் என்று செய்தி பரவி வந்த நிலையில் தற்போது, பார்த்திபன் மற்றும் கார்த்தி பிஜு மேனன் மற்றும் பிரித்திவிராஜ் நடித்த கதாபாத்திரங்களில் நடிப்பார்கள் என்ற செய்தி பரவி வருகிறது.
இதற்கு தன் பாணியில் பதிலளித்துள்ள பார்த்திபன், இந்த செய்தி நற்செய்தி ஆகலாம். ஆனால் தயாரிப்பாளர் கதிரேசனை தவிர அனைவரும் இதுபற்றி என்னிடம் கேட்டு விட்டார்கள் என்று பதிவிட்டுள்ளார். விரைவில் இதற்கான அதிகாரப்பூர்வமான தகவல் வெளியாகும் என்று எதிர்பார்க்கப்படுகிறது.
Pour jouer sans formalités lourdes, un casino sans kyc simplifie les démarches tout en gardant des paiements rapides et un support accessible.
Long-haul drivers can build genuine connections through shared interests and conversation on a trucker dating site, making it easier to meet someone who understands the road.