சினிமாவில் டாப் ஹீரோக்களில் ஒருவராக வலம் வருபவர் சூர்யா. இப்போது இவர் நடிப்பில் இயக்குநர் சிவாவின் ‘கங்குவா’, இயக்குநர் வெற்றிமாறனின் ‘வாடிவாசல்’ என இரண்டு படங்கள் லைன் அப்பில் இருக்கிறது.
இதனைத் தொடர்ந்து சூர்யாவின் 43-வது படத்தை இயக்குநர் சுதா கொங்கரா இயக்கவிருப்பதாக சொல்லப்படுகிறது. இதற்கு ஜி.வி.பிரகாஷ் குமார் இசையமைக்கவிருக்கிறார். ஏற்கனவே, சூர்யா – சுதா கொங்கரா – ஜி.வி.பிரகாஷ் குமார் கூட்டணியில் வெளியான ‘சூரரைப் போற்று’ திரைப்படம் சூப்பர் ஹிட்டானது குறிப்பிடத்தக்கது.
‘சூர்யா 43’ல் மலையாள சினிமாவில் முன்னணி நடிகர்களில் ஒருவராக வலம் வரும் துல்கர் சல்மானும் நடிக்கவிருக்கிறார். இந்த படத்தின் ப்ரீ-புரொடக்ஷன் பணிகள் பரபரப்பாக நடைபெற்று வருகிறது.
ஷூட்டிங்கை வருகிற டிசம்பர் மாதத்தில் இருந்து ஆரம்பிக்க ப்ளான் போட்டுள்ளனர். இந்நிலையில், இப்படத்தில் சூர்யாவுக்கு ஜோடியாக நடிக்க பிரம்மாண்ட இயக்குநர் ஷங்கரின் மகளும், பிரபல நடிகையுமான அதிதி ஷங்கர் ஒப்பந்தமாகியுள்ளதாக தகவல் கிடைத்துள்ளது.
Home