சூப்பர் ஹிட் படங்கள் கொடுத்த இயக்குநர்… அந்த பிரச்சனையால் எடுத்த அதிரடி முடிவு!

தமிழ் சினிமாவில் டாப் இயக்குநர்களில் ஒருவராக இருந்தவர் தான் அந்த ஸ்டைலிஷ் இயக்குநர். இவர் இயக்கிய முதல் காதல் படமே மெகா ஹிட்டானது. அதன் பிறகு அடுத்தடுத்து டாப் ஹீரோக்களை வைத்து இரண்டு போலீஸ் படங்களை எடுத்தார். அதுவும் சூப்பர் ஹிட்டானது.

அதன் பிறகு அவர் இயக்கிய படங்களில் ஒன்று சரியாக ஓடினால், ஒன்று ஓடாமல் போகும் நிலைமையானது. அந்த இயக்குநர் அவர் இயக்கும் படங்கள் மட்டுமின்றி, மற்ற இயக்குநர்களின் படங்களையும் தயாரிக்க ஆசைப்பட்டார். அப்போது ஆரம்பித்த ஃபைனான்ஸ் பிரச்சனை இன்னும் முடிந்த பாடில்லை. மேலும், இவர் இயக்கத்தில் உருவாகி வந்த இரண்டு புதிய படங்களுடையே ஷூட்டிங்கும் இன்னும் முடியவில்லை.

கடந்த ஆண்டு வெளியான ஒரு படத்தில் போலீஸாக வலம் வந்து மாஸ் காட்டினார் அந்த ஸ்டைலிஷ் இயக்குநர். ஆகையால், அவருக்கு நடிக்க ஆஃபர்கள் குவிகிறது. இயக்குநரும் இருக்கும் கடன் பிரச்சனைகளை சரி செய்ய வேண்டுமென்றால், நடித்து கல்லா கட்டுவது தான் ஒரே வழி என்று முடிவெடுத்து நான்கைந்து படங்களுக்கு மேல் கமிட் செய்து விட்டாராம். ஒரு காலத்தில் எப்படி இருந்த ஸ்டைலிஷ் இயக்குநர்? இப்போ இப்படி ஆயிட்டாரே என்று அவரது நெருங்கிய வட்டாரங்கள் ஃபீல் பண்ணி வருகிறார்களாம்.