டாப் ஹீரோவுடன் நடிக்க விரும்பாத பிரபல ஹீரோயின்… அப்செட்டில் இளம் இயக்குநர்!!

சினிமாவில் டாப் ஹீரோக்களில் ஒருவராக வலம் வருபவர் அந்த நடிகர். இந்த ஆண்டு (2021) ஜனவரி மாதம் தான் இந்த நடிகர் பிரபல டிவி சேனலில் தொகுத்து வழங்கிய ஒரு ரியாலிட்டி ஷோவின் ஷூட்டிங் முற்றிலும் நிறைவு பெற்றது. அதன் பிறகு அரசியலில் பிஸியாகி விட்டார் நடிகர்.

இப்போது அந்த நடிகரின் நடிப்பில் பிரம்மாண்ட இயக்குநரின் பார்ட் 2 படமும், இளம் இயக்குநரின் படமும் லைன் அப்பில் இருக்கிறது. இதில் பிரம்மாண்ட இயக்குநரின் படம் பல சிக்கலில் சிக்கி அடுத்து எப்போது தொடங்கும் என்றே தெரியாமல் பாதியில் நிற்கிறது. இளம் இயக்குநரின் படத்துக்கான ப்ரீ-புரொடக்ஷன் வேலைகள் ஜெட் ஸ்பீடில் நடைபெற்று வருகிறது.

சமீபத்தில், இப்படத்தில் ஹீரோ தனக்கு ஜோடியாக இதுவரை தன் படங்களில் நடிக்காத பெரிய நம்பர் நடிகை தான் நடிக்க வேண்டும் என்று இயக்குநரிடம் சொல்லியிருக்கிறார். இயக்குநரும் நம்பர் நடிகையை அணுகியிருக்கிறார். ஆனால், நடிகைக்கோ அந்த டாப் ஹீரோவுடன் டூயட் பாடி ஆட விருப்பமில்லையாம். ஆகையால், அப்படத்தின் இயக்குநரிடம் பதில் சொல்லாமல் இழுத்தடிக்கிறாராம். இதனால் இயக்குநர் அப்செட்டில் இருக்கிறாராம்.

Share.