ராஜமௌலி வெளியிட்டுள்ள கொரோனா டெஸ்ட் ரிசல்ட்!

தமிழில் வெளியான பிரம்மாண்ட திரைப்படமான பாகுபலியை இயக்கிய ராஜமௌலி சமீபத்தில் தனக்கும் தன் குடும்பத்தாருக்கும் கொரோனா பாசிட்டிவ் ரிசல்ட் வந்திருப்பதாக சமூக வலைத்தளத்தில் பதிவிட்டிருந்தார்.

மேலும் இவர்கள் தங்களை வீட்டிலேயே குவாரண்டின் செய்துள்ளதாகவும், கொரோனாவின் தாக்கம் அதிகமாக இல்லை அதனால் விரைவில் நாங்கள் குணமடைவோம் என்றும் வெளியிட்டிருந்தார்.

வீட்டிலேயே கொரோனாவிற்காக சிகிச்சை பெற்றுவந்த ராஜமௌலி மற்றும் அவர் குடும்பத்தினர் மருத்துவர் பரிந்துரைப்படி மருந்துகளை உட்கொண்டு வந்துள்ளார்கள்.

இந்நிலையில் தற்போது சமூக வலைத்தளத்தில் இயக்குனர் ராஜமௌலி ” இரண்டு வாரம் குவாரண்டின் முடிந்து தற்போது டெஸ்ட் எடுத்துள்ளோம். எனக்கும் வீட்டில் உள்ள அனைவருக்கும் நெகட்டிவ் வந்துள்ளது. டாக்டர் எங்களை மேலும் மூன்று வாரம் காத்திருக்க வேண்டும் என்றிருக்கிறார். மூன்று வாரம் கழித்து பிளாஸ்மா டொனேஷன் செய்வதற்கு தயாராக உள்ளோமா என்பதை முடிவு செய்துகொள்ளலாம் என்று கூறியிருக்கிறார்” என்று மிகவும் பாசிட்டிவாக பதிவிட்டுள்ளார்.

ராஜமௌலி குணமடைந்ததை அடுத்து பலரும் மகிழ்ச்சியுடன் அவரது பதிவுக்கு கமெண்ட் செய்து வருகின்றனர்.

Completed 2 weeks of quarantine! No symptoms. Tested just for the sake of it… It is negative for all of us…
Doctor said we need to wait 3 weeks from now to see if we've developed enough antibodies for plasma donation!

— rajamouli ss (@ssrajamouli) August 12, 2020