32 ஆண்டுகளுக்கு பிறகு ரஜினியுடன் இணைந்து நடிக்கும் அமிதாப் பச்சன்… கொண்டாட்டத்தில் ரசிகர்கள்!

தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். இப்போது இவர் நடிப்பில் ‘ஜெயிலர், லால் சலாம்’ மற்றும் இயக்குநர் த.செ.ஞானவேல் படம் என மூன்று படங்கள் லைன் அப்பில் இருக்கிறது.

ரஜினியின் 169-வது படமான ‘ஜெயிலர்’-ஐ பாப்புலர் இயக்குநர்களில் ஒருவரான நெல்சன் இயக்குகிறார். ‘லால் சலாம்’ படத்தை ரஜினியின் மகள் ஐஸ்வர்யா இயக்குகிறார். இதில் விஷ்ணு விஷால் – விக்ராந்த் இணைந்து நடிக்க, ரஜினிகாந்த் சிறப்பு தோற்றத்தில் வலம் வரவிருக்கிறாராம். இவ்விரண்டு படங்களின் ஷூட்டிங்கும் பரபரப்பாக நடைபெற்று வருகிறது.

இயக்குநர் த.செ.ஞானவேல் இயக்கவுள்ள ‘தலைவர் 170’ படத்திற்கு அனிருத் இசையமைக்கவிருக்கிறார். இதனை ‘லைகா புரொடக்ஷன்ஸ்’ நிறுவனம் தயாரிக்கவுள்ளது. இதில் ரஜினி போலீஸ் ரோலில் வலம் வரவிருக்கிறாராம். இதன் ப்ரீ-புரொடக்ஷன் வேலைகள் ஜெட் ஸ்பீடில் நடக்கிறதாம்.

தற்போது, இந்த படத்தில் மிக முக்கிய ரோலில் முன்னணி பாலிவுட் நடிகர் அமிதாப் பச்சன் நடிக்கவிருப்பதாக தகவல் கிடைத்துள்ளது. கடைசியாக ரஜினி – அமிதாப் இணைந்து 1991-ஆம் ஆண்டு வெளியான ‘ஹும்’ (ஹிந்தி) படத்தில் நடித்திருந்தது குறிப்பிடத்தக்கது.