தமிழ் சினிமாவில் மட்டுமின்றி இந்திய திரையுலகமே வியந்து பார்க்கும் அளவுக்கு பல சாதனைகள் செய்து மக்கள் மனதிலும் எப்பவும் சூப்பர் ஸ்டாராக வலம் வரும் ஒரே நடிகர் ரஜினிகாந்த் தான். இப்போது இவர் நடிப்பில் ‘ஜெயிலர், லால் சலாம்’ மற்றும் இயக்குநர் த.செ.ஞானவேல் படம் என மூன்று படங்கள் லைன் அப்பில் இருக்கிறது.
ரஜினியின் 169-வது படமான ‘ஜெயிலர்’-ஐ பாப்புலர் இயக்குநர்களில் ஒருவரான நெல்சன் இயக்கியுள்ளார். ‘சன் பிக்சர்ஸ்’ நிறுவனம் தயாரித்துள்ள இந்த படத்துக்கு அனிருத் இசையமைத்துள்ளார்.
இதில் கன்னட நடிகர் ஷிவராஜ்குமார், தெலுங்கு நடிகர் சுனில், பாலிவுட் நடிகர் ஜாக்கி ஷெராஃப், தமன்னா, ரம்யா கிருஷ்ணன், யோகி பாபு, விநாயகன், வசந்த் ரவி ஆகியோர் முக்கிய ரோல்களில் நடித்துள்ளனர். கெஸ்ட் ரோலில் மலையாள ‘சூப்பர் ஸ்டார்’ மோகன்லால் நடித்துள்ளார்.
சமீபத்தில், வெளியிடப்பட்ட GLIMPSE மற்றும் பாடல்கள் படத்தின் மீதான எக்ஸ்பெக்டேஷன் லெவலை எகிற வைத்தது. படத்தை வருகிற ஆகஸ்ட் 10-ஆம் தேதி ரிலீஸ் செய்ய ப்ளான் போட்டுள்ளனர். இந்நிலையில், இதன் ட்ரெய்லரை பார்த்து ரசித்த பிரபல விநியோகஸ்தரும், தயாரிப்பாளருமான JSK கோபி தனது ட்விட்டர் பக்கத்தில் “ஜெயிலர் ட்ரெய்லர் பார்த்தேன். கலக்கிட்ட நெல்சா” என்று பாராட்டி பதிவிட்டுள்ளார். மேலும், இவர் ட்ரெய்லர் யூடியூபில் நாளை அல்லது நாளை மறுநாள் வெளியாகும் என்றும் குறிப்பிட்டுள்ளார்.
#ஜெயிலர் டிரெய்லர்
கலக்கிட்ட நெல்சா
— Jayam Sk Gopi (Jsk Gopi) (@JSKGopi) July 31, 2023
Bro!! parthuthingala!! chumma fireaa!!! ayo ayo!! veri yeruthe!! #Jailer… when it will be release!! it should happen soon, its already late..
— #Kalanidhi Maran Fans club.. (@TVenu77) July 31, 2023
2nd or 3rd ரிலீஸ்
— Jayam Sk Gopi (Jsk Gopi) (@JSKGopi) July 31, 2023
Home