அண்ணாத்த படத்தின் ஷூட்டிங்கில் விரைவில் கலந்துகொள்ள உள்ள ரஜினி!

தமிழ் சினிமாவின் சூப்பர் ஸ்டாரான ரஜினிகாந்த் நடிப்பில் சிறுத்தை சிவா இயக்கத்தில் உருவாகி வரும் திரைப்படம் “அண்ணாத்த”. சன் பிக்சர்ஸ் தயாரிப்பு நிறுவனம் இந்த படத்தை தயாரிக்கிறது.

இந்த படத்தில் நடிகர் ரஜினிக்கு முறைப் பெண்ணாக குஷ்பு மற்றும் மீனா நடிக்கிறார்கள். மேலும் கீர்த்தி சுரேஷ் இந்த படத்தில் ரஜினிக்கு தங்கை வேடத்தில் நடிக்கிறார். மேலும் இவருக்கு ஜோடியாக இந்த படத்தில் லேடி சூப்பர் ஸ்டார் நயன்தாரா நடிக்கிறார்.

பெரிய நட்சத்திர பட்டாளத்துடன் நடக்கும் இந்த திரைப்படத்தின் ஷூட்டிங் ஏற்கனவே ஹைதராபாத்தில் இரண்டு கட்டமாக நடத்தி முடிக்கப்பட்டது. அதில் ரஜினி நடிப்பில் 50 சதவீத படப்பிடிப்புகள் ஏற்கனவே முடிக்கப்பட்டுள்ளது.

பிறகு கொரோனா லாக்டவுன் காரணமாக இந்தப்படத்தின் படப்பிடிப்பு நிறுத்தி வைக்கப்பட்டிருந்தது. தற்போது இந்த படத்தின் படப்பிடிப்பு அக்டோபர் மாதத்தில் தொடங்க உள்ளதாகவும் ஆனால் ரஜினி ஜனவரி மாதம் முதல் தான் இந்த படப்பிடிப்பில் கலந்து கொள்வார் என்றும் ஏற்கனவே செய்தி வெளியிட்டிருந்தோம்.

புதிய தகவல் என்னவென்றால் ரஜினி அக்டோபர் இரண்டாம் வாரத்திலிருந்து இந்தப் படப்பிடிப்பில் கலந்து கொள்வார் என்றும் இவர் நடிக்கவுள்ள காட்சிகள் படமாக்கப்பட உள்ளதாகவும் அவை ஹைதராபாத்தில் படம் பிடிக்கப்படலாம் என்றும் தற்போது ஒரு செய்தி வந்துள்ளது.