அண்ணாத்த படப்பிடிப்பில் கலந்து கொள்கிறார் ரஜினி- எப்பொழுது தெரியுமா?

தமிழ் சினிமாவின் சூப்பர் ஸ்டாரான ரஜினிகாந்த் நடிப்பில் சிறுத்தை சிவா இயக்கத்தில் உருவாகி வரும் திரைப்படம் “அண்ணாத்த”. சன் பிக்சர்ஸ் தயாரிப்பு நிறுவனம் இந்த படத்தை தயாரிக்கிறது.

இந்த படத்தில் நடிகர் ரஜினிக்கு முறைப் பெண்ணாக குஷ்பு மற்றும் மீனா நடிக்கிறார்கள். மேலும் கீர்த்தி சுரேஷ் இந்த படத்தில் ரஜினிக்கு தங்கை வேடத்தில் நடிக்கிறார். மேலும் இவருக்கு ஜோடியாக இந்த படத்தில் லேடி சூப்பர் ஸ்டார் நயன்தாரா நடிக்கிறார்.

பெரிய நட்சத்திர பட்டாளத்துடன் நடக்கும் இந்த திரைப்படத்தின் ஷூட்டிங் ஏற்கனவே ஹைதராபாத்தில் இரண்டு கட்டமாக நடத்தி முடிக்கப்பட்டது. அதில் ரஜினி நடிப்பில் 50 சதவீத படப்பிடிப்புகள் ஏற்கனவே முடிக்கப்பட்டுள்ளது.

இதைத்தொடர்ந்து மீதமுள்ள படப்பிடிப்புகள் தற்போது தொடங்கும் என்று செய்தி வெளியாகி இருந்தது. இப்போது புதிய தகவல் என்னவென்றால் வருகிற அக்டோபர் 8ம் தேதி முதல் ரஜினி அண்ணாத்த படத்தின் படப்பிடிப்பில் கலந்து கொள்ள உள்ளார் என்ற செய்தி தீயாய் பரவுகிறது.

ஆனால் இதற்கு விளக்கம் அளித்துள்ள இந்த படத்தின் இயக்குனர் சிறுத்தை சிவா ரஜினி தற்போது படப்பிடிப்பில் கலந்து கொள்வதற்கான வாய்ப்பு இல்லை என்றும், அவர் இல்லாத காட்சிகளை படமாக்க படலாம் என்று எடுத்த தொடக்க வேலைகளும் தற்போது நிறுத்தி வைக்கப்பட்டுள்ளது என்றும் கூறியிருக்கிறார்.

இதனால் தற்போதைக்கு ரஜினியின் அண்ணாத்த படப்பிடிப்பு நடப்பதற்கான வாய்ப்புகள் இல்லை என்றுதான் தெரிகிறது. எப்பொழுது தொடங்குவார்கள் என்று பொறுத்திருந்துதான் பார்க்க வேண்டும்.