ரஜினி தன் காரில் உல்லாச டிரைவ் – வைரலாகும் புகைப்படம்!

நாடு முழுவதும் கொரோனா லாக்டவுன் காரணமாக அனைவரும் தற்போது வீடுகளுக்குள்ளேயே முடங்கி இருக்கிறார்கள். இந்த நிலையில் மனவழுத்தத்திலிருந்து விடுபட அனைவரும் யோகா, உடற்பயிற்சி, தோட்டக்கலை, குடும்பத்துடன் நேரத்தை செலவிடுவது போன்றவற்றில் நேரத்தை செலவிட்டு வருகிறார்கள்.

சிலர் லாக்டவுனில் தளர்வு கொடுத்தவுடன் காரில் டிரைவ் செல்கிறார்கள்.இந்த வரிசையில் சூப்பர் ஸ்டார் ரஜினிகாந்த் தனது லம்போர்கினி சொகுசு காரில் தற்போது மாஸ்க் அணிந்து டிரைவ் செல்வது போன்று எடுக்கப்பட்ட புகைப்படம் இணையதளத்தில் வைரலாகி வருகிறது.

ரஜினி ஒர் கார் பிரியர் என்பது அனைவருக்குமே தெரிந்த விஷயம். இவரிடம் மெர்சிடிஸ் பென்ஸ் முதல் பிரிமியர் பத்மினி வரை அனைத்து கார்களும் இருக்கிறது.

https://twitter.com/sankari2017/status/1285226700276592640?s=19

இவர் தனது லம்போர்கினி காரை ஓட்டுவது போன்ற புகைப்படத்தை அவரது ரசிகர்கள் ஷேர் செய்து “லயன் இன் லம்போர்கினி” என்று குறிப்பிட்டு வருகிறார்கள்.

அனைவரும் அவரது இந்த புகைப்படத்தை #தலைவர் என்ற தலைப்பில் ஷேர் செய்து வருகிறார்கள். இது தற்போது இணையதளத்தில் வைரலாகி வருகிறது.

ரஜினி தற்போது சிறுத்தை சிவா இயக்கத்தில் ‘அண்ணாத்த” எனும் படத்தில் நடித்து வருகிறார். இந்த படத்தில் நடிகை நயன்தாரா, கீர்த்திசுரேஷ், குஷ்பூ, மீனா, வேலராமமூர்த்தி, பிரகாஷ்ராஜ், சூரி, சதீஷ் என பெரிய நட்சத்திர பட்டாளமே நடித்திருக்கிறார்கள். இந்த லாக்டவுனில் நடிகர் ரஜினி இயக்குனர் லோகேஷ் கனகராஜுடன் மீண்டும் இணையப்போகிறார் என்ற செய்தியும் வெளியாகியுள்ளது.