“ஆரி பண்றது ஆடியன்ஸுக்கு பிடிக்குதா? இல்லையா?”… ரம்யாவுக்கு வந்த டவுட்டு!

விஜய் டிவியில் ‘உலக நாயகன்’ கமல் ஹாசன் தொகுத்து வழங்கும் ‘பிக் பாஸ்’ ரியாலிட்டி ஷோவின் சீசன் 4 கடந்த அக்டோபர் 4-ஆம் தேதி முதல் ஒளிபரப்பாகத் துவங்கி உள்ளது. தொடர்ந்து 105 நாட்கள் நடைபெறவிருக்கும் இந்த நிகழ்ச்சியில் நடிகர் ரியோ ராஜ், நடிகை சனம் ஷெட்டி, நடிகை ரேகா, மாடல் பாலாஜி முருகதாஸ், செய்தி வாசிப்பாளர் அனிதா சம்பத், நடிகை ஷிவானி நாராயணன், நடிகர் ஜித்தன் ரமேஷ், பாடகர் வேல்முருகன், நடிகர் ஆரி, மாடல் சோமசேகர், நடிகை கேப்ரில்லா, விஜய் டிவி அறந்தாங்கி நிஷா, நடிகை ரம்யா பாண்டியன், நடிகை சம்யுக்தா கார்த்திக், நடிகர் சுரேஷ் சக்கரவர்த்தி, ‘சூப்பர் சிங்கர்’ ஆஜித் ஆகிய 16 பிரபலங்கள் கலந்து கொண்டனர்.

கடந்த அக்டோபர் 15-ஆம் தேதி பிக் பாஸ் வீட்டிற்குள் வைல்ட் கார்ட் மூலம் ‘விஜய் டிவி’ மற்றும் ‘ஜீ தமிழ்’ மூலம் ஃபேமஸான தொகுப்பாளினி அர்ச்சனா என்ட்ரியானார். அதன் பிறகு ரேகா மற்றும் வேல்முருகன் எலிமினேட் செய்யப்பட்டனர். பின், வீட்டிற்குள் வைல்ட் கார்ட் மூலம் பிரபல ஆர்ஜேவும், பாடகியுமான சுசித்ரா என்ட்ரியானார். அதன் பிறகு சுரேஷ் சக்கரவர்த்தி, சுசித்ரா, சம்யுக்தா கார்த்திக், சனம் ஷெட்டி, ஜித்தன் ரமேஷ் மற்றும் அறந்தாங்கி நிஷா எலிமினேட் செய்யப்பட்டனர். கடந்த வாரம் ஞாயிற்றுக்கிழமை பிக் பாஸ் நிகழ்ச்சியில் அர்ச்சனா எலிமினேட் செய்யப்பட்டார்.

நேற்றைய பிக் பாஸ் நிகழ்ச்சியில் அனிதா சம்பத் எலிமினேட் செய்யப்பட்டார். தற்போது, விஜய் டிவி தங்களது அதிகாரப்பூர்வ ட்விட்டர் பக்கத்தில் புதிய ப்ரோமோ வீடியோவை வெளியிட்டுள்ளது. இந்த ப்ரோமோ வீடியோவில் ரம்யா பாண்டியன், ஷிவானி நாராயணன் இருவரும் பேசிக் கொண்டிருக்கிறார்கள். அப்போது ரம்யா பாண்டியன் “ஆரி வந்து எல்லாமே கரெக்டா பண்றோம்னு நினைச்சு பண்றாரு. அது ஆடியன்ஸுக்கு பிடிக்குதா இல்லையான்னு எனக்கு ஒரு டவுட்டு எப்பவுமே இருக்கும். நேத்து வந்த call-லையுமே எனக்கு அந்த டவுட்டு தான் இருக்கு. பிடிச்சதுங்குற மாதிரி எந்த angle-லையுமே எனக்கு தோணல” என்று சொல்கிறார்.

அதற்கு ஷிவானி நாராயணன் “இந்த குரூப்பிஸம் இதெல்லாம் இருக்குன்னு சில இதெல்லாம் கரெக்டா சொல்றாரு. but அவருக்குன்னு ஒன்னு வரப்போ என்ன பண்ணிடுறாரு, selfish-ஆ மத்தவங்கள blame பண்ணி உட்டுடுறாரு” என்று சொல்கிறார். பின், ரம்யா “கிடைக்குற கேப்லலாம் வந்து தன்னோட ப்ளஸ்ஸையும் மத்தவங்களோட மைனஸையும் சொல்றதுனால எனக்கு தோணுது. எங்க கேப் கிடைச்சாலும் அங்க வந்து” என்று சொல்லி முடிப்பதற்குள் ஷிவானி “தன்னை காப்பாத்திக்கணும்ங்குறதுக்காக மத்தவங்கள தப்பா ப்ரொஜெக்ட் பண்ணிடுறாரு” என்று சொல்கிறார். இவ்வீடியோ சமூக வலைத்தளங்களில் தீயாய் பரவி வருகிறது.

#Day85 #Promo2 of #BiggBossTamil #பிக்பாஸ் – தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/Z1uv4d4AKQ

— Vijay Television (@vijaytelevision) December 28, 2020