ராட்சசன் திரைப்படம் படைத்த புதிய சாதனை!

2018 ஆம் ஆண்டு இயக்குனர் ராம்குமார் இயக்கத்தில் வெளியான திரைப்படம் “ராட்சசன்”. ஆக்சஸ் பிலிம் பேக்டரி தயாரிப்பில் வெளியான இந்த திரைப்படம் தற்போது புதிய சாதனை ஒன்றை படைத்துள்ளது.

தற்போது ஐஎம்டிபி தமிழ் திரைப்படங்களில் ராட்சசன் திரைப்படத்தை நம்பர் ஒன் திரைப்படமாக அறிவித்துள்ளது. மேலும் ஒட்டுமொத்த இந்திய திரைப்படங்களில் ராட்சசன் திரைப்படம் மூன்றாவது இடத்தை பெற்றுள்ளது. இந்த மகிழ்ச்சிகரமான செய்தியை இந்த படத்தின் தயாரிப்பு நிறுவனமான ஆக்சிஸ் பிலிம் பேக்டரி தற்போது சமூக வலைத்தளத்தில் பதிவிட்டு வெற்றியை கொண்டாடி வருகிறது.

விஷ்ணு விஷால் மற்றும் அமலாபால் நடிப்பில் வெளியான இந்த திரில்லர் திரைப்படம் ரசிகர்களிடையே பெரிய வரவேற்பை பெற்றது. பிவி.சங்கர் இந்த படத்தின் காட்சிகளை விறுவிறுப்பாக ஒளிப்பதிவு செய்திருந்தார். ஷான் லோகேஷ் இந்த படத்தை எடிட்டிங் செய்திருந்தார். இந்த 145 நிமிட திரைப்படம் பார்ப்பவர்களை விறுவிறுப்பாக சீட்டின் நுனியில் அமர வைத்தது.

It is Indeed a Proud Moment for us. #AxessFilm Factory's #RATSASAN has been ranked as the #1 Tamil film in #IMDB, Further, it has been ranked #3 in all Time Top Indian Movies. A feat to cherish. @Dili_AFF @dir_ramkumar @TheVishnuVishal @GhibranOfficial @Amala_ams @k_pooranesh pic.twitter.com/Ihp46e01hE

— Axess film factory (@AxessFilm) August 16, 2020

ஏற்கனவே பல பாராட்டுகளைப் பெற்ற இந்த திரைப்படத்தை தற்போது ஐஎம்டிபி கௌரவித்துள்ளது. ஜிப்ரான் இசையில் இந்தப் படத்தின் பின்னணி இசை மேலும் பலம் சேர்த்தது. இந்த படம் தெலுங்கிலும் பின்பு ரீமேக் செய்யப்பட்டது என்பது குறிப்பிடத்தக்கது.