பொது இடத்தில் நடந்த கொடுமை -மனம்திறந்த ரெஜினா! – Filmy Focus

2006 ஆம் ஆண்டு வி.பிரியா இயக்கத்தில் வெளிவந்த படம் “கண்ட நாள் முதல்”. இந்தப் படத்தின் மூலம் திரையுலகிற்கு அறிமுகமானவர் ரெஜினா கசாண்ட்ரா. இந்த படத்தில் நடித்தபோது அவருக்கு வயது 16.

இந்தப் படத்தில் நடிகர் பிரசன்னா, லைலா ஆகியோருடன் ஒரு முக்கிய கதாபாத்திரத்தில் இவர் நடித்திருந்தார். பிறகு கன்னடம் மற்றும் தெலுங்கு மொழிப் படங்களில் நடிக்க ஆரம்பித்தார்.

இதைத்தொடர்ந்து 2013ம் ஆண்டு இயக்குனர் பாண்டிராஜ் இயக்கத்தில் வெளிவந்த “கேடி பில்லா கில்லாடி ரங்கா” படத்தில் நடிகர் சிவகார்த்திகேயனுக்கு ஜோடியாக தமிழ் திரையுலகிற்கு ரீ-என்ட்ரி கொடுத்தார். பின் ராஜதந்திரம், மாநகரம், சரவணன் இருக்க பயமேன் ஆகிய படங்களின் மூலம் ரசிகர்களிடம் நீங்காத இடத்தைப் பிடித்தார்.

இவர் தெலுங்கு, கன்னடம் ஆகிய மொழிகளில் நிறைய படங்களில் நடித்துள்ளார். இவர் நடித்து கடைசியாக வெளிவந்த திரைப்படம் “எவரு”.

இவர், தான் கல்லூரி படிக்கும் பொழுது நடந்த கசப்பான அனுபவம் பற்றி ஒரு நேர்காணலில் பகிர்ந்துள்ளார். இதைப் பற்றி அவர் கூறியதாவது” நான் சென்னையில் உள்ள ஒரு பிரபல சினிமா மாலிற்கு படம் பார்க்க வந்த பொழுது, ஒரு சில ஆண்கள் என்னைப் பற்றி அவதூறாக பேசி, என்னிடம் தவறாக நடக்க முயற்சி செய்தார்கள். நான் அங்கேயே அவர்களுக்கு பதிலடி கொடுத்து விட்டேன்” என்று வருத்தத்துடன் கூறியுள்ளார்.இந்த சம்பவம் அவரை மிகவும் பாதித்ததாம்.

“இந்த பாலியல் தொல்லைகளை எதிர்கொண்டு வந்ததால்தான், நான் மனதளவில் என்னை இன்னும் வலிமைப்படுத்தி கொண்டேன்” என அவர் குறிப்பிட்டுள்ளார்.

இந்த அழகான நடிகை தற்போது தமிழில் செல்வராகவன் இயக்கத்தில் “நெஞ்சம் மறப்பதில்லை”, வெங்கட்பிரபு இயக்கத்தில் “பார்ட்டி” மற்றும் சிம்புதேவன் இயக்கத்தில் “கசடதபற” ஆகிய படங்களில் நடித்து வருகிறார்.