தனது மகளின் வளர்ச்சியைக் கண்டு பெருமையில் நடிகை மது!

1992 ஆம் வருடம் மணிரத்தினம் இயக்கத்தில் வெளியான “ரோஜா” படத்தின் மூலம் தமிழ் ரசிகர்களிடையே நீங்காத இடத்தைப் பிடித்தவர் நடிகை மது.

இதைத்தொடர்ந்து சங்கர் இயக்கத்தில் “ஜென்டில்மேன்” , கேஎஸ் ரவி இயக்கத்தில் “மிஸ்டர் ரோமியோ”, பிறகு மீண்டும் மணிரத்னம் இயக்கத்தில் “இருவர்” போன்ற வெற்றி படங்களில் நடித்து தமிழ் ரசிகர்களிடையே நீங்காத இடத்தைப் பிடித்துள்ளார்.

இவர் தமிழ் மட்டுமல்லாது தெலுங்கு, மலையாளம், கன்னடம் மற்றும் ஹிந்தி படங்களிலும் நடித்திருக்கிறார். இவர் 1999-ம் வருடம் ஆனந்த் ஷா என்பவரை திருமணம் செய்து கொண்டார். இவர்களுக்கு இரண்டு மகள்கள் இருக்கிறார்கள்.

சமீபத்தில் வெளியான “அக்னி தேவி” படத்தில்கூட இவர் நடித்திருந்தார். இதைத்தொடர்ந்து ஜெயலலிதா வாழ்க்கை வரலாற்று கதையான “தலைவி” படத்தில் தற்போது நடித்து வருகிறார்.

https://twitter.com/madhoo69/status/1286203405036183552?s=19

இவர் தற்போது தனது சமூக வலைத்தள பக்கத்தில் தனது மகள் கேயா தொடங்கியிருக்கும் ஒரு ஆன்லைன் கப் கேக் தொழில் பற்றி வெளியிட்டு, தனது மகளைப் பற்றி பெருமையாக பதிவிட்டுள்ளார். மேலும் தான் ஒரு பெருமையான தாய் என்று குறிப்பிட்டிருக்கிறார்.