சர்வம் திரைப்படத்தில் ஆர்யாவுக்கு பதில் இந்த நடிகர் நடிக்கவிருந்தாராம்!

2005 ஆம் ஆண்டு வெளிவந்த “அறிந்தும் அறியாமலும்” படத்தின் மூலம் தமிழ் திரையுலகிற்கு அறிமுகப்படுத்தப்பட்டவர் நடிகர் ஆர்யா. தொடர்ந்து வெற்றிப் படங்களில் நடித்து தமிழ் சினிமாவில் தனக்கென தனி இடத்தை பிடித்திருக்கும் ஆர்யா ஒரு ஃபிட்னஸ் ஃபிரீக்.

உள்ளம் கேட்குமே, கலாபக்காதலன், பட்டியல், ஓரம்போ, நான் கடவுள், சர்வம், மதராசபட்டினம், பாஸ் என்கிற பாஸ்கரன், அவன் இவன், ராஜா ராணி, இரண்டாம் உலகம் போன்ற வெற்றி படங்களில் நடித்து தனக்கென தனி இடத்தை தக்க வைத்துக் கொண்டிருக்கிறார் ஆர்யா.

நடிகர் ஆர்யா உடல் எடையை பராமரிப்பது மற்றும் ஆரோக்கியத்தை பேணி காப்பதிலும் மிகவும் கவனமாக இருப்பார். இவரை திரைத்துறையில் இருக்கும் அனைவருமே ஃபிட்னஸ் ஃபிரீக் என்று அழைப்பார்கள்.

ஆரம்ப காலகட்டங்களில் இவர் நடித்த படங்கள் சில மட்டுமே வெற்றி பெற்ற நிலையில், இவர் திரிஷாவுடன் இணைந்து நடித்த திரைப்படம் தான் “சர்வம்”. யுவன் சங்கர் ராஜா இசையில் முதலில் வெளியான இந்த படத்தின் பாடல்கள் அனைத்தும் சூப்பர் ஹிட் அடித்தது.

இதை தொடர்ந்து வெளியான இந்த திரைப்படம் எதிர்பார்த்த வெற்றியை அடையவில்லை என்பதுதான் உண்மை. முதலில் ஆர்யா நடித்த கதாபாத்திரத்தில் நடிப்பதற்கு நடிகர் சூர்யாவை தான் அணுகினார்களாம். மேலும் திரிஷா நடிக்க வேண்டிய இடத்தில் இலியானா நடிப்பதாக இருந்ததாம். ஆனால் கடைசியாக ஆர்யா மற்றும் திரிஷா நடித்திருந்தார்கள். ஒருவேளை இந்த படத்தில் சூர்யா நடித்திருந்தால் எதிர்பார்த்த வெற்றி கிடைத்திருக்கும் என்று பலர் கருத்து தெரிவித்து வருகிறார்கள்.