புதிய படத்துக்கு ஓகே சொன்ன சசிகுமார்… இயக்குநர் யார் தெரியுமா?

தமிழ் சினிமாவில் பிரபல நடிகராக வலம் வருபவர் எம்.சசிகுமார். இப்போது சசிகுமார் நடிப்பில் ‘கொம்பு வச்ச சிங்கம்டா, ராஜவம்சம், நாநா, பரமகுரு, எம்ஜிஆர் மகன், முந்தானை முடிச்சு’ மற்றும் வெற்றிமாறன் தயாரிக்கும் படம் என ஏழு படங்கள் லைன் அப்பில் இருக்கிறது. இந்நிலையில், சசிகுமார் தனது கால்ஷீட் டைரியில் இணைய மற்றுமொரு புதிய படத்துக்கு ஓகே சொல்லியிருப்பதாக தகவல் கிடைத்துள்ளது.

இந்த படத்துக்கு ‘பகைவனுக்கு அருள்வாய்’ என டைட்டில் சூட்டப்பட்டுள்ளது. இப்படத்தை ‘திருமணம் எனும் நிக்காஹ்’ படம் மூலம் ஃபேமஸான இயக்குநர் அனீஸ் இயக்க உள்ளார். இதில் ஹீரோயினாக வாணி போஜன் நடிக்க உள்ளார். மேலும், முக்கிய ரோல்களில் பிந்து மாதவி, நாசர், ஜெயப்பிரகாஷ் மற்றும் பலர் நடிக்கவுள்ளனர்.

ஜிப்ரான் இசையமைக்கவுள்ள இதற்கு கார்த்திக்.கே.தில்லை ஒளிப்பதிவு செய்யவுள்ளார், மு.காசி விஸ்வநாதன் படத்தொகுப்பாளராக பணியாற்றவுள்ளார். இதன் ஷூட்டிங் இன்று (டிசம்பர் 14-ஆம் தேதி) முதல் பூஜையுடன் ஆரம்பிக்கப்பட்டுள்ளது. இந்த தகவலை சசிகுமாரே தனது ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியுள்ளார்.

பகைவனுக்கு அருள்வாய்
My nxt with #DirecrorAnis @tkishore555 @GhibranOfficial @thebindumadhavi @vanibhojanoffl #karthikkThllai #pagaivanukuArulvai pic.twitter.com/IX0MQzyIOM

— M.Sasikumar (@SasikumarDir) December 14, 2020