” மூதேவி உங்க அப்பன போய் கேளு”…. ரசிகர் கேட்ட கேள்வியால் கடுப்பான சித்தார்த்!

சினிமாவில் பாப்புலர் ஹீரோக்களில் ஒருவராக வலம் வருபவர் சித்தார்த். இவர் ஹீரோவாக நடித்த முதல் படமே பிரம்மாண்ட இயக்குநர் ஷங்கரின் இயக்கத்தில் தான். அது தான் ‘பாய்ஸ்’. இந்த படத்தில் சித்தார்த்துக்கு ஜோடியாக ஜெனிலியா நடித்திருந்தார், இதனை ‘ஸ்ரீ சூர்யா மூவீஸ்’ நிறுவனம் தயாரித்திருந்தது.

‘பாய்ஸ்’ படத்துக்கு பிறகு நடிகர் சித்தார்த்துக்கு அடித்தது ஜாக்பாட். அடுத்தடுத்து இவரின் கால்ஷீட் டைரியில் ‘ஆய்த எழுத்து, 180, காதலில் சொதப்புவது எப்படி, உதயம் NH4, தீயா வேலை செய்யணும் குமாரு, ஜிகர்தண்டா, காவியத் தலைவன், எனக்குள் ஒருவன், அரண்மனை 2, ஜில் ஜங் ஜக், அவள், சிவப்பு மஞ்சள் பச்சை, அருவம்’ என தமிழ் படங்கள் குவிந்தது.

சித்தார்த் தமிழ் மொழி படங்கள் மட்டுமில்லாமல் ஆங்கிலம், ஹிந்தி, தெலுங்கு, மலையாளம் ஆகிய மொழி படங்களிலும் நடித்து ரசிகர்களிடம் அப்ளாஸ் வாங்கியிருக்கிறார். இப்போது சித்தார்த் நடிப்பில் ‘டக்கர், மஹா சமுத்திரம், இந்தியன் 2’ என மூன்று படங்கள் லைன் அப்பில் இருக்கிறது. இந்நிலையில், நேற்று ரசிகர் ஒருவர் ட்விட்டரில் சித்தார்த்திடம் “நீட் தேர்வை முதல் சட்டமன்ற கூட்டத்திலேயே ரத்து செய்வோம் – தேர்தல் வாக்குறுதி. இன்று நீட் நடக்கிறது. பொய் சொன்னால் முதல்வராக இருந்தாலும் கன்னத்தில் அறைவேன்னு சொன்ன ஐயா சித்தார்த் என்ன பண்ண போறீங்க? #நீட்_ரத்து_எங்கடா” என்று கேட்டிருந்தார்.

இந்த ட்வீட்டை பார்த்து கடுப்பான நடிகர் சித்தார்த் “மூதேவி கோபமோ சந்தேகமோ வந்தா, துப்பியிருந்தா நீ போய் கேளு, இல்ல உங்க அப்பன போய் கேளு… நான் என் வேலையை தான் டா பார்க்குறேன். பொறுக்கி பசங்க இதுவே வேலையா போச்சு… ட்விட்டரை toilet ஆக்கி வச்சுருக்கீங்க… வேற எங்க மலரும்? சாக்கடையில தான மலரும்.. இளவு.. இந்தியில சொல்லட்டா?” என்று பதில் ட்வீட் போட்டுள்ளார்.

Share.