1978-ம் வருடம் பாரதிராஜா இயக்கத்தில் உலகநாயகன் கமல்ஹாசன் நடிப்பில் வெளியான திரைப்படம் “சிகப்பு ரோஜாக்கள்”. வெளியான முதலே இந்த திரைப்படம் ரசிகர்களிடத்தில் பெரிய வரவேற்பை பெற்றது.
பிஎஸ் நிவாஸ் ஒளிப்பதிவில் இந்த த்ரில்லர் படத்தின் காட்சிகள் விறுவிறுப்பாக அமைந்திருந்தது. இசைஞானி இளையராஜா இந்த படத்திற்கு பின்னணி இசை மூலம் மேலும் விறுவிறுப்பைக் கூட்டி இருந்தார். அவ்வளவாக தொழில்நுட்ப வளர்ச்சி இல்லாத காலகட்டத்திலேயே இந்த படம் ரசிகர்களை மிரள வைத்தது.
தற்போது இந்த படத்தின் இரண்டாம் பாகம் “சிகப்பு ரோஜாக்கள் 2” விரைவில் உருவாகவிருப்பதாக செய்தி வெளியாகியுள்ளது. மேலும் இந்த படத்தை பாரதிராஜாவின் மகன் மனோஜ் இயக்கவிருப்பதாகவும், கமல் ஸ்ரீதேவி இந்த படத்தில் நடித்திருந்தார்கள், அவர்கள் வேடத்தில் யார் நடிக்க வேண்டும் என்பதை தற்போது தேர்வு செய்து கொண்டிருப்பதாகவும் கூறியுள்ளார்கள்.
தற்போது இந்த படத்தில் கமல் நடித்த வேடத்தில் நடிகர் சிம்புவை நடிக்க கூறி அவரது ரசிகர்கள் கேட்டுக் கொண்டுள்ளார்களாம். இதை இயக்குனர் மனோஜ் தான் முடிவு செய்யவேண்டும் என்று எதிர்பார்த்து காத்திருக்கிறார்கள்.
தமிழ் சினிமாவில் வெற்றி பெற்ற பல படங்கள் இரண்டாம் பாகம் உருவாக்கப்பட்டு வெற்றியும் அடைந்துள்ளது பலது தோல்வியும் அடைந்துள்ளது. அதனால் சிகப்பு ரோஜாக்கள் படத்தின் இரண்டாம் பாகம் வெற்றியடையுமா என்ற கேள்வி நிகழ்ந்து வருகிறது.
Home