சூப்பர் ஸ்டாருடன் ஷிவ ராஜ்குமார் ! வைரலாகும் லேட்டஸ்ட் புகைப்படம் !

இந்திய சினிமாவில் மிகப்பெரிய ஆளுமையாக இருக்கும் நடிகர் சூப்பர் ஸ்டார் ரஜினிகாந்த் . ரஜினிகாந்த் நடிப்பில் கடைசியாக வெளியான அண்ணாத்த படம் பெரிய அளவில் ரசிகர்கள் மத்தியில் வரவேற்பை பெறவில்லை . அண்ணாத்த படத்திற்கு பிறகு சூப்பர் ஸ்டார் ரஜினிகாந்த் நடித்து வரும் படம் ஜெயிலர் . இந்த படத்தை நெல்சன் திலீப்குமார் இயக்கி வருகிறார் . சன் பிக்சர்ஸ் நிறுவனம் இந்த படத்தை தயாரித்து வருகிறார் . அனிருத் ரவிச்சந்தர் இந்த படத்திற்கு இசையமைத்து வருகிறார் .

மோகன் லால் , ஷிவ்ராஜ் குமார் , ரம்யா கிருஷ்ணன், தமன்னா உள்ளிட்ட பல நட்சத்திரங்கள் இந்த படத்தில் நடித்து வருகிறார்கள் .சமீபத்தில் ஜாக்கி ஷெரீப் ஜெயிலர் படத்தில் இணைந்தார் .

ஜெயிலர் படத்தின் படப்பிடிப்பில் ராஜஸ்தானில் விறுவிறுப்பாக நடந்து முடிந்து உள்ளது .அங்கு ஆக்ஷன் காட்சிகள் படமாக்கப்பட்டது . தற்போது மங்களூரில் படத்தின் படப்பிடிப்பு நடந்து வருகிறது . இதில் சூப்பர்ஸ்டார் ரஜினியுடன் கன்னட நடிகர் ஷிவ ராஜ்குமார் நடித்து வருகிறார் . இந்நிலையில் சூப்பர்ஸ்டார் ரஜினியுடன் ஷிவ ராஜ்குமார் பேசிக்கொண்டு இருக்கும் புகைப்படம் வெளியாகி வைரலாகி வருகிறது .