சூப்பர் ஸ்டார் ரஜினிகாந்த் நடிப்பில் அடுத்து வெளிவரவிருக்கும் திரைப்படம் “அண்ணாத்த”. இப்படம் பொங்கல் 2021 அன்று வெளியிடப்படும் என்று சன் பிக்சர்ஸ் நிறுவனம் செய்தி வெளியிட்டுள்ளது.
இந்த வருட கடைசியில் வெளிவரும் என்று எதிர்பார்க்கப்பட்ட இந்த திரைப்படம் கொரோனா காரணமாக அடுத்த வருடம் வெளியிடப்பட உள்ளது. இந்தப் படத்தின் போஸ்ட் புரொடக்ஷன் வேலைகள் அரசு அனுமதியுடன் சமீபத்தில் தொடங்கப்பட்டது.
சன் பிக்சர்ஸ் கலாநிதி மாறன் தயாரிப்பில் இயக்குனர் சிவா இயக்கியிருக்கும் படம் “அண்ணாத்த”. இந்தப் படத்தில் சூப்பர் ஸ்டாருடன் மீனா, குஷ்பூ சுந்தர், நயன்தாரா,கீர்த்தி சுரேஷ், பிரகாஷ்ராஜ்,சதீஷ், சூரி என பெரிய நட்சத்திரப் பட்டாளமே நடித்துள்ளது.
டி. இமான் இசையில் இந்தப் படத்தின் காட்சிகளை வெற்றி ஒளிப்பதிவு செய்துள்ளார். இது ரஜினியின் 168 வது படம். இந்த வருடத் தொடக்கத்தில் வெளியிடப்பட்ட படத்தின் மோஷன் போஸ்டர் வந்தபிறகு இந்த படத்தின் எதிர்பார்ப்பு ரசிகர்களிடையே அதிகரித்துள்ளது.
சூப்பர் ஸ்டார் நடித்து சமீபத்தில் வெளியான திரைப்படம் ஏ.ஆர்.முருகதாஸ் இயக்கத்தில் வெளிவந்த “தர்பார்”. இந்த படம் சூப்பர் ஹிட் ஆனது.இதைதொடர்ந்து அவர் “அண்ணாத்த”படத்தில் நடித்து வந்தார்.ரஜினியின் ரசிகர்கள் இந்தப் படத்தின் வெளியீட்டை எதிர்பார்த்து காத்திருக்கிறார்கள்.
Home