கொரோனா காரணமாக நாடு முழுவதும் திரைப்பட படப்பிடிப்புகள் நிறுத்திவைக்கப்பட்டுள்ளது. மேலும் திரையரங்குகள் மூடப்பட்டுள்ளது.
அரசு அறிவித்த பிறகுதான் திரைப்படத்தின் படப்பிடிப்புகள் அனைத்தும் துவங்கப்படும் என்று திரைப்பட வட்டாரங்கள் முடிவு செய்துள்ள நிலையில் விரைவில் அரசின் அறிவிப்பு வெளியாகும் என்றும் எதிர்பார்த்து காத்திருக்கிறார்கள்.
இந்நிலையில் வெளியிடவிருந்த சில படங்கள் லாக்டவுனில் ஓடிடி தளங்களில் வெளியாகி ரசிகர்களிடம் நல்ல வரவேற்பைப் பெற்றது.
சூப்பர்ஸ்டார் ரஜினிகாந்த் நடிப்பில் கடைசியாக “தர்பார்” திரைப்படம் வெளியாகி திரையரங்குகளில் வசூல் வேட்டையாடியது. இதைத்தொடர்ந்து தற்போது ரஜினியின் “அண்ணாத்த” திரைப்படம் குறித்து அவ்வப்போது செய்திகள் வெளிவந்து கொண்டிருக்கிறது. அண்ணாத்த படப்பிடிப்புகள் இந்த கொரோனா பாதிப்புகள் முழுமையாக குறையும் வரை தொடங்கப்படாது என்று திரைப்படக் குழு தெரிவித்துள்ளது.
இந்நிலையில் தற்போது சூப்பர் ஸ்டார் ரஜினிகாந்த் நடிப்பில் உருவான “மூன்று முகம்” திரைப்படம் வருகிற ஆகஸ்ட் 2ஆம் தேதி பிரான்சில் ரீ-ரிலீஸ் செய்யப்போவதாக தற்போது செய்தி வெளியாகியுள்ளது.
சமீபத்தில் அஜித் நடிப்பில் வெளியான “விஸ்வாசம்” மற்றும் ரஜினிகாந்த் நடிப்பில் வெளியான “தர்பார்” திரைப்படங்கள் ஏற்கனவே பிரான்ஸில் சமீபத்தில் ரீ-ரிலீஸ் செய்யப்பட்டது குறிப்பிடத்தக்கது. ரஜினியின் “மூன்றுமுகம்” திரைப்படம் தற்போது பாரிசில் உள்ள காமாண்ட் செயிண்ட் டெனிஸ் திரையரங்கில் வெளியிடப்பட உள்ளது.
Home