விக்ரம் – துருவ்வின் ‘மகான்’ படத்திலிருந்து நீக்கப்பட்ட வாணி போஜனின் காட்சிகள்!

சினிமாவில் டாப் நடிகர்களில் ஒருவராக வலம் வருபவர் விக்ரம். ஒவ்வொரு படத்துக்கும் விக்ரம் தனது கெட்டப்பை மாற்றி ரசிகர்களிடம் அப்ளாஸ் வாங்கி வருகிறார். இவர் நடிப்பில் ‘கோப்ரா, துருவ நட்சத்திரம், பொன்னியின் செல்வன், மகான்’ மற்றும் இயக்குநர் பா.இரஞ்சித் படம் என ஐந்து படங்கள் லைன் அப்பில் இருந்தது.

இதில் கார்த்திக் சுப்புராஜ் இயக்கியிருந்த ‘மகான்’ படத்தில் விக்ரமும், அவரது மகன் துருவ்வும் சேர்ந்து நடித்திருந்தனர். இந்த படம் இந்த ஆண்டு (2022) பிப்ரவரி 10-ஆம் தேதி பிரபல OTT தளமான ‘அமேசான் ப்ரைம்’யில் ரிலீஸானது. இதில் விக்ரமுக்கு ஜோடியாக பாப்புலர் ஹீரோயின்களில் ஒருவரான சிம்ரன் நடித்திருந்தார்.

மேலும், முக்கிய ரோல்களில் பாபி சிம்ஹா, சனந்த், முத்துக்குமார், தீபக் பரமேஷ் ஆகியோர் நடித்திருந்தனர். இந்த படத்துக்கு டாப் இசையமைப்பாளர்களில் ஒருவரான சந்தோஷ் நாராயணன் இசையமைத்திருந்தார், ஸ்ரேயாஸ் கிருஷ்ணா ஒளிப்பதிவு செய்திருந்தார், விவேக் ஹர்ஷன் படத்தொகுப்பாளராக பணியாற்றியிருந்தார்.

இந்த படம் விக்ரம் மற்றும் துருவ் ரசிகர்களிடையே நல்ல வரவேற்பை பெற்றது. இப்படம் ஆரம்பமானபோது இதில் முக்கிய கதாபாத்திரத்தில் வாணி போஜன் நடிப்பதாக அறிவிக்கப்பட்டது. ஆனால், படத்தில் எந்த ஒரு காட்சியிலும் அவர் இடம்பெறவில்லை. தற்போது, இப்படத்தின் எடிட்டிங் போது நீக்கப்பட்ட வாணி போஜனின் காட்சிகள் வெளியிடப்பட்டுள்ளது.