தமிழில் ‘மாயா, ஆஹா, தெய்வ மகள், லட்சுமி வந்தாச்சு’ போன்ற டிவி சீரியல்களில் நடித்ததன் மூலம் அதிக கவனம் ஈர்த்த நடிகை வாணி போஜன். இவர் இந்த ஆண்டு (2020) பிப்ரவரி மாதம் ரிலீஸான ‘ஓ மை கடவுளே’ படத்தில் ஹீரோயினாக நடித்திருந்தார். இதனைத் தொடர்ந்து வாணி போஜன் நடிப்பில் உருவாகியுள்ள புதிய படம் ‘லாக்கப்’.
இதில் வைபவ் ஹீரோவாக நடித்துள்ளார். எஸ்.ஜி.சார்லஸ் இயக்கியுள்ள இந்த படத்தில் பூர்ணா, ஈஸ்வரி ராவ், வெங்கட் பிரபு ஆகியோர் மிக முக்கிய ரோல்களில் நடித்துள்ளனர். சஸ்பென்ஸ் க்ரைம் த்ரில்லர் ஜானர் படமான இதனை ‘ஷ்வேத்’ நிறுவனம் சார்பில் நடிகர் நித்தின் சத்யா தயாரித்துள்ளார். ‘கொரோனா’ பிரச்சனையால் திரையரங்குகள் மூடப்பட்டுள்ளது. இதனால், ‘லாக்கப்’ படம் ‘ஜீ 5’-வில் வருகிற ஆகஸ்ட் 14-ஆம் தேதி ரிலீஸாகப்போகிறது.
தற்போது, வாணி போஜனின் கால்ஷீட் டைரியில் ஒரு புதிய படம் இணைந்துள்ளதாக தகவல் வெளியாகியுள்ளது. இந்த படத்தில் ஹீரோவாக விக்ரம் பிரபு நடிக்கவுள்ளாராம். இதனை தயாரிப்பாளர் கார்த்திகேயன் தனது ‘பிக் பிரிண்ட் பிக்சர்ஸ்’ மூலம் தயாரிக்கப்போகிறார். ஒரே நேரத்தில் தமிழ், தெலுங்கு என இரண்டு மொழிகளில் ரெடியாகவிருக்கும் இப்படத்தை ஒரு அறிமுக இயக்குநர் தான் இயக்கவிருக்கிறாராம்.
Home