தெலுங்கில் ரீமேக்காகவிருக்கும் வேதாளம் திரைப்படம் – அஜித் இடத்தில் இவர்தானாம்!

2015 ஆம் ஆண்டு நடிகர் அஜித் நடிப்பில் சிறுத்தை சிவா இயக்கத்தில் வெளியான திரைப்படம் “வேதாளம்”. ஸ்ரீ சாய்ராம் க்ரியேஷன்ஸ் தயாரித்து வெளியிட்ட இந்த திரைப்படத்தை தெலுங்கில் தற்போது ரீமேக் செய்ய உரிமம் பெற்றுள்ளார்கள் என்ற செய்தி வெளியாகியுள்ளது.

மேலும் தெலுங்கில் அஜித் நடித்த கதாபாத்திரத்தில் சிரஞ்சீவி நடிக்கவுள்ளதாகவும், இதற்கான அதிகாரப்பூர்வமான தகவல் வருகிற ஆகஸ்ட் 22ஆம் தேதி சிரஞ்சீவி பிறந்தநாளன்று வெளியிடப்படலாம் என்றும் செய்தி வெளியாகியுள்ளது.

இந்தப் படத்தை தமிழில் வெளியான “பில்லா” படத்தை தெலுங்கில் ரீமேக் செய்த இயக்குனர் மீகர் ரமேஷ் இயக்கவுள்ளதாகவும் செய்தி வெளியாகியுள்ளது. மேலும் இந்த படத்தை தெலுங்கில் என்.வி.பிரசாத் தயாரிக்கவுள்ளதாகவும் கூறப்படுகிறது.

தற்போது சிறுத்தை சிவா ரஜினிகாந்த் நடிப்பில் “அண்ணாத்த” படத்தை இயக்கி வருகிறார். மேலும் அஜித் தற்போது எச்.வினோத் இயக்கத்தில் “வலிமை” படத்தில் நடித்து வருகிறார். தமிழில் சூப்பர் ஹிட்டடித்த “வேதாளம்” திரைப்படம் தெலுங்கில் சிரஞ்சீவி நடிப்பில் வெளியாக உள்ளது ரசிகர்களிடையே பெரிய ஆர்வத்தை ஏற்படுத்தியுள்ளது. தெலுங்கில் இந்த படம் வரவேற்பை பெறுமா என்று பொறுத்திருந்துதான் பார்க்க வேண்டும்.