ட்விட்டரில் மறைமுகமாக தகவல் சொன்ன விக்னேஷ் சிவன் !

நடிகர் அஜித் நடிப்பில் இயக்குனர் எச்.வினோத் இயக்கத்தில் உருவாகி வரும் படம் துணிவு . நேர்கொண்ட பார்வை , வலிமை படத்திற்கு பிறகு மீண்டும் இந்த கூட்டணி இணைந்து இருந்தது . போனி கபூர் இந்த படத்தை தயாரித்து உள்ளார் . இசையமைப்பாளர் ஜிப்ரான் இந்த படத்திற்கு இசையமைத்து உள்ளார் . நடிகர் சமுத்திரக்கனி , நடிகை மஞ்சு வாரியர் இந்த படத்தில் முக்கியமான பாத்திரத்தில் நடித்து உள்ளனர் .

ஜனவரி 11 அன்று நள்ளிரவு 1 மணிக்கு வெளியான துணிவு படம் ரசிகர்களிடம் நல்ல வரவேற்பை பெற்று வருகிறது . இரண்டு வாரம் கடந்தும் இந்த படம் திரையரங்கில் நல்ல வரவேற்பை பெற்று வருகிறது .

துணிவு படத்தை தொடர்ந்து நடிகர் அஜித் விக்னேஷ் சிவன் இயக்கத்தில் நடிக்க இருந்தார் .ஆனால் திடிரென்று இந்த படம் கைவிடப்பட்டது என்ற செய்தி சமூக வலைத்தளத்தில் வெளிவந்தது .

இந்நிலையில் தற்போது இயக்குநர் விக்னேஷ் சிவன் அஜித் 62 படத்திலிருந்து வெளியே வந்துவிட்டதாக மறைமுகமாக அறிவித்துள்ளார் . விக்னேஷ் சிவன் தனது ட்விட்டர் பக்கத்தில் அஜித் புகைப்படத்தையும் , ஏ.கே . 62 என்று பயோவில் வைத்து இருந்தார் . தற்போது அஜித் போட்டோவை நீக்கிவிட்டார் மேலும்
ஏ.கே . 62க்கு பதிலாக விக்கி 6 என்று மாற்றி உள்ளார் .