ஷங்கர் இயக்கத்தில் விஜய் -விக்ரம் இணைகிறார்களா?

தமிழ் திரைப்படவுலகின் முன்னணி நடிகர்களான தளபதி விஜய் மற்றும் விக்ரம் இணைந்து ஷங்கர் இயக்கத்தில் நடிக்கவுள்ளதாக செய்தி வந்துள்ளது.

தற்போது நடிகர் விஜய் லோகேஷ் கனகராஜ் இயக்கத்தில்” மாஸ்டர்” திரைப்படத்தில் நடித்துள்ளார். அந்த திரைப்படம் ஏப்ரல் மாதம் 9 ம் தேதி வெளியிடப்படவிருந்தது. கொரோனோ லாக்டவுன் காரணமாக தற்போது இந்த படத்தின் வெளியீடு தள்ளி வைக்கப்பட்டுள்ளது.வரும் தீபாவளியன்று இந்த படம் வெளியாகலாம் என்று ரசிகர்கள் எதிர்பார்த்து காத்திருக்கின்றனர்.

இதே போல முன்னணி நடிகரான விக்ரம் நடித்து அடுத்து வெளியாகவிருக்கும் திரைப்படம் கௌதம் வாசுதேவ் மேனன் இயக்கத்தில் வெளிவரவுள்ள “துருவ நட்சதிரம்” ஆகும்.
இதையடுத்து அவர் அஜய் ஞானமுத்து இயக்கத்தில் “கோப்ரா” மற்றும் மணிரத்தினம் இயக்கத்தில் “பொன்னியின் செல்வன் “ஆகிய படங்களிலும் நடித்து வருகிறார்.

தற்போது அவர் தன் மகன் துருவ் விக்ரம் உடன் இணைந்து கார்த்திக் சுப்புராஜ் இயக்கத்தில் ‘சியான்65 ‘என்று அழைக்கப்படும் படத்தில் நடிக்கவுள்ளதாக செய்தி வந்துள்ளது.

இந்த இரு நட்சத்திரங்களின் வெற்றிப்படங்களைத் தொடர்ந்து இவர்கள் இருவரின் கூட்டணியில் ஷங்கர் ஒரு பிரம்மாண்ட படத்தை இயக்க திட்டமிட்டுள்ளதாக செய்தி தற்போது கசிந்துள்ளது.

இயக்குனர் ஷங்கர் தற்போது கமலுடன் இணைந்து “இந்தியன் 2 “படத்தை இயக்கி வருகிறார். இந்த படத்தின் படப்பிடிப்பு வேலைகள் முடிந்தவுடன் அவரது அடுத்த படத்தில் இந்த கூட்டணி தோன்றுவது பற்றி செய்தி வெளியிடப்படும் என்று திரைப்பட வட்டாரம் தெரிவிக்கின்றது.

இதே போன்ற செய்தி கடந்த வருடமும் வந்தது ஆனால் அது உறுதி செய்யப்படவில்லை ,இந்த வருடமாவது இந்த செய்தி உறுதி செய்யப்படுமா? என்று பொறுத்திருந்துதான் பார்க்க வேண்டும்.