விக்ரம் – கெளதம் மேனன் கூட்டணியில் உருவாகியுள்ள ‘துருவ நட்சத்திரம்’…. சென்சாரில் ‘யு’வா ‘யு/ஏ’ சான்றிதழா?

சினிமாவில் டாப் நடிகர்களில் ஒருவராக வலம் வருபவர் விக்ரம். ஒவ்வொரு படத்துக்கும் விக்ரம் தனது கெட்டப்பை மாற்றி ரசிகர்களிடம் அப்ளாஸ் வாங்கி வருகிறார். இவர் நடிப்பில் ‘துருவ நட்சத்திரம், தங்கலான்’ என இரண்டு படங்கள் லைன் அப்பில் இருக்கிறது.

இதில் ‘துருவ நட்சத்திரம்’ படத்தை டாப் இயக்குநர்களில் ஒருவரான கெளதம் மேனன் இயக்கியுள்ளார். இந்த படத்தில் மிக முக்கிய ரோல்களில் ரித்து வர்மா, பார்த்திபன், சிம்ரன், ராதிகா சரத்குமார், திவ்யதர்ஷினி ஆகியோர் நடித்துள்ளனர்.

இதற்கு பிரபல இசையமைப்பாளர் ஹாரிஸ் ஜெயராஜ் இசையமைத்துள்ளார். ஏற்கனவே, ரிலீஸ் செய்யப்பட்ட இதன் டீசர்கள் மற்றும் 2 பாடல்கள் படத்தின் மீதான எதிர்பார்ப்பை எகிற வைத்தது.

தற்போது, படத்தை பார்த்த சென்சார் குழுவினர் ‘யு/ஏ’ சான்றிதழ் அளித்துள்ளதாக தகவல் கிடைத்துள்ளது. இந்த தகவலை இயக்குநர் கெளதம் மேனனே தனது ட்விட்டர் பக்கத்தில் தெரிவித்ததுடன், படத்தின் முக்கிய அப்டேட் ஒன்று நாளை காலை 11 மணிக்கு அறிவிக்கப்படும் என்றும் பதிவிட்டுள்ளார்.

Get ready for the mission#DhruvaNatchathiram U/A certification and is all set to infiltrate social media with an announcement at 11 AM, Tomorrow⚡ pic.twitter.com/h0uuEyVJEF

— Karthik Ravivarma (@Karthikravivarm) September 22, 2023